Gjashtë gra, duke përfshirë një yll pop-i, një aktiviste, një gazetare dhe një ish-shkencëtare raketash, do të bëjnë histori sot duke marrë pjesë në misionin e parë në hapësirë, vetëm me gra, në gati 60 vjet. Misioni drejtohet nga e fejuara e themeluesit të Amazon, Jeff Bezos, Lauren Sanchez, e cila përzgjodhi ekuipazhin e misionit “Blue Origin”.
Duke folur së fundmi për Elle, Sanchez shpjegoi se ajo zgjodhi këto pjesëmarrëse gra për të marrë pjesë në mision bazuar në "aftësinë e tyre për të frymëzuar të tjerët." Qëllimi i saj, siç tha ajo, është që çdo anëtare e ekuipazhit të ndajë përvojën e saj me publikun dhe të forcojë rolin e grave në eksplorimin e hapësirës.
Ekuipazhi përfshin këngëtaren e njohur Katy Perry, prezantuesen e “Gayle King”, aktivisten për të drejtat civile Amanda Nguyen, ish-shkencëtaren e raketave Aisha Bowe, regjisoren Kerian Flynn dhe natyrisht vetë Sanchez. Ky është misioni i parë vetëm me gra që nga viti 1963, kur kozmonautja ruse, Valentina Tereshkova, udhëtoi e vetme në hapësirë ??si pjesë e programit hapësinor Sovjetik.
View this post on Instagram
Gjashtë gratë do të hipin në raketën “New Shepard” sot në orën 15:00 për një fluturim 11-minutësh që do të udhëtojë 100 kilometra mbi Tokë - pra në kufijtë e hapësirës, ??siç përcaktohet ndërkombëtarisht. Nisja do të bëhet në Teksasin Perëndimor, si pjesë e misionit NS-31 të programit New Shepard të Blue Origin.
Nisjen mund ta ndiqni drejtpërdrejt këtu:
Vlen të përmendet se, megjithëse të gjashtë gratë do të kalojnë vijën hapësinore Kármán, ato nuk do të njihen zyrtarisht si astronaute, pasi nuk plotësojnë kriteret e NASA-s ose të Administratës Federale të Aviacionit.
