Ndoshta nuk i kushtojmë shumë rëndësi kohës kur zgjohemi në mëngjes – në fund të fundit, mund të supozojmë se ky orar diktohet nga detyrimet tona profesionale dhe familjare. Por çfarë ndodh me ritmet tona normale të gjumit dhe zgjimit, në rastet kur nuk kemi nevojë të na zgjojë alarmi? Ata na tregojnë diçka për personalitetin tonë, sipas një artikulli të ri në “YourTango” që bazohet në prova nga një kërkim shkencor.
Si lidhet personaletiti juaj me orën kur zgjoheni:
Në orën 6 të mëngjesit: Optimiste dhe e përgjegjshme
Ju jeni njerëz të organizuar – studimet kanë treguar se ata që zgjohen në këtë kohë kanë shënuar rezultate më të larta në testet që vlerësojnë tipare të tilla si përgjegjësia dhe organizimi. Për më tepër, njerëzit që zgjohen në këtë orë priren të kenë një qëndrim më pozitiv ndaj jetës, pasi e mirëpresin çdo ditë me qetësinë e orëve të para të mëngjesit.
Ora 7 e mëngjesit: E ekuilibruar dhe sociale
Është një orar i zakonshëm për ata që kërkojnë ekuilibër mes jetës personale dhe asaj profesionale. Këta janë njerëz të përgjegjshëm dhe të organizuar, të cilët megjithatë gëzojnë njësoj edhe anën tjetër të medaljes: shoqërinë dhe jetën sociale. Në fakt, një artikull shkencor (Journal of Personality and Social Psychology) tregoi se ata që zgjohen në këtë kohë janë shpesh ekstrovertë dhe e duan shoqërinë e të tjerëve. Ata priren të ndjekin një mënyrë jetese të shëndetshme dhe përpiqen të kombinojnë detyrimet e përditshme me aktivitetet e kohës së lirë.
08:00: Kreative dhe e qetë
Shpesh ata që zgjohen në këtë kohë janë njerëz fleksibël dhe krijues. Një artikull shkencor i botuar në revistën "Personality and Individual Differences" e lidh këtë orar zgjimi me njerzit që duan të marrin në konsideratë ide dhe mundësi të reja. Ata nuk kanë frikë nga puna e vështirë, por preferojnë ta bëjnë atë me ritmin e tyre. Të tillë njerëz kërkojnë ta nisin ditën të relaksuar dhe vazhdimisht kërkojnë ekuilibrin mes qetësisë dhe produktivitetit.
Në orën 9 të mëngjesit: E pavarur dhe mendjehapur
Ndoshta ju pëlqen ta shijoni natën sa më shumë që të mundeni. Një studim i publikuar në revistën “Psychological Science” pretendon se “njerëzit e natës” janë më të hapur ndaj përvojave të reja, ideve jokonvencionale dhe aventurave. Të tillë njerëz e rifitojnë energjinë e tyre më vonë gjatë ditës dhe, megjithëse mund t'i rezistojnë pritshmërive të shoqërisë që njerëzit e mëngjesit janë më produktivë, ata e kompensojnë atë me shpirtin e tyre krijues, spontan dhe aventuresk.
Pas orës 09:00: Sociale dhe aventureske
Ju keni një personalitet më të qetë, ndaj ju pëlqejnë veçanërisht kontaktet me njerëzit përreth dhe jeni gjithmonë të hapur për aventura dhe përvoja të reja. Ju jeni padyshim një person që preferon netët e gjata, duke gjetur energjinë që ju duhet gjatë ditës për ta kanalizuar në aktivitete që stimulojnë trupin dhe mendjen.
Shënim: Nëse zgjohemi sistematikisht shumë herët në mëngjes, pa gjumë të mjaftueshëm, kjo mund të jetë një simptomë e ankthit ose depresionit, kështu që është një ide e mirë të kuptoni me kujdes nëse zgjimi herët lidhet me një problem të kësaj natyre.
Burimi: Marie Claire
