Ka disa lajme që nuk kalojnë dot filtrin tonë editorial - jo se janë skandaloze, jo se s’kanë pak “lëng”, por se... le ta themi troç: nuk na bindin mjaftueshëm për t’i marrë seriozisht.
Por ja që jetojmë në një botë ku dikush ka parë dikë me dikë, dikush ka bërë “unfollow”, dhe dikush tjetër ka postuar një citat pasivo-agresiv. Dhe njerëzit duan ta dinë.
“Kujdes, nuk janë lajme! Thjesht për muhabet” është vendi ku i lëmë të gjitha këto copëza - gjysmë të rëndësishme, gjysmë “për muhabet”, ndonjë thashethem që s’e kemi konfirmuar dot (po as e kemi marrë mundimin ta konfirmojmë) dhe disa detaje që ndoshta janë thjesht fryt i imagjinatës kolektive të rrjeteve sociale.
Këtu mund të gjeni gjithçka: nga “çfarë kanë thënë” te “mos e merr për të sigurt”, e deri te “hë, po këtë pse e lexova?”. Nuk janë lajme që do t’ju ndryshojnë ditën. Janë më shumë si ato reels-at që i sheh pa zë, pa dëshirë...por gjithsesi i sheh.
Ledri dhe Xhensila në një romancë?
Po qarkullon një thashethem në rrjet që Ledri dhe Xhensila kanë nisur një romancë (paska dalë dhe fotoja e mësipërme), pasi janë parë shpesh së bashku në Kosovë. Ne themi që me shumë mundësi do të publikojnë ndonjë këngë dhe e kanë stisur me qëllim këtë "romancën", por presim...
Amber, edhe ti do publikosh këngë?
Kiara sërish shtatzënë?
Kështu qarkulloi nëpër media, por në fakt ishte thjesht ky koment:
Filtri viral!
Alketa e tha vetë: “Pooo, kam përdor dhe pak filtra; na falni ë.” "Ma vër këtë filtrin dhe nesër, se më paske bërë yll!” komentoi Arbana.
Gjesti do ende Xhenetën, sipas Xhenetës.
Xheneta Fetahu foli në "Fiks Fare" për marrëdhënien e saj me Gjestin dhe theksoi se ai ka ende ndjenja për të dhe e ka pasur gjithmonë në zemër. "Ai Xhenetën e ka në zemër. Ai u dridh kur unë u futa në Big," tha ajo. :)
Është homoseksual!
Përplasjet mes fermerëve kanë nisur në "Ferma VIP" vetëm pesë ditë pas nisjes së spektaklit, ku një deklaratë e Lim Hotit, që e quante Yllin homoseksual, ndezi gjakrat mes tyre, ndërkohë që Ylli e mohoi këtë pretendim. Në vitin 2025 dhe ende aludojmë për seksualitetin e dikujt...
Gerta për Rozanën: "Nënën dhe babain e saj, i ka sjellë ajo që ta përdorë"
Gerta Gixhari u shpreh gjatë një interviste me Gjestin dhe Loredanën se Rozana ka përdorur historinë e prindërve të saj si pjesë të strategjisë së lojës, duke përmendur enkas në një bisedë për ta përdorur për të fituar empatinë e publikut.
"Nënën dhe babain e saj, i ka sjellë ajo që ta përdorë si pjesë të historisë së saj. Ka dashur të shesë atë si histori. I ka përmendur enkas në një bisedë që më pas ta thotë si histori dhe.. jo ta shesë, se [ta shesë është] fjalë e rëndë…por ta përdorë për lojën e saj, për empatinë e publikut," tha Gerta.
Ledri dhe Bebe Rexha mund të publikojnë këngë bashkë, ose të paktën kështu do Faton Shoshi të besojmë ne.
Nuk këndojnë live? Soni sqaron deklaratën për kolegët
Soni Malaj u shpreh në emisionin me Meriton Mjekiqin se në industrinë muzikore shqiptare vetëm tre artistë këndojnë live në koncerte të mëdha, duke përmendur veten, Aurelën Gaçe dhe Alban Skënderajn si të vetmit që përballojnë performanca të drejtpërdrejta para mijëra njerëzve.
Pastaj në Instagram sqaroi: “Po shoh lajme dhe statuse ku një fjali e imja, e thënë shumë shpejt, është përkthyer si një mosvlerësim ndaj kolegëve të mi. Dua t’ju bëj të qartë që unë i vlerësoj të gjithë miqtë, kolegët dhe bashkëpunëtorët që performojnë live. Konteksti i asaj që thashë është që, fatkeqësisht, numri i këngëtarëve që këndojnë live është më i vogël se ai i atyre që këndojnë playback. Duhej që atë fjali ta shpjegoja pak më gjatë për të shmangur keqkuptimet."
Olta Gixhari, 14 vjeç!
Ron Zaiti flet për konfliktin me Dafinën
Gjatë një bisede me Frederik Ndocin në "Ferma VIP", Roni ka ndarë detaje nga jeta e tij profesionale, duke folur për marrëdhënien me këngëtaren Dafina Zeqirin, e cila ka pasur keqkuptime që kanë çuar në mungesën e komunikimit mes tyre.
"Jam shumë falënderues për gjithçka, çfarëdo që ka bërë, pasi nuk flasim më. Po, i kemi prish raportet për shkak të punës. Sidoqoftë unë jam falënderues se më ka nisur profesionalisht. Edhe diçka e kam mësuar nga ajo, se konsistenca është gjithçka," tha ai.
