Fansat janë të bindur se Justin Bieber ka ironizuar përmes një postimi në rrjete sociale fejesën e Selena Gomez dhe Benny Blanco. Të mërkurën (2 prill), Justin shpërndau një sërë memesh në InstaStory, mes të cilave edhe një video që u interpretua se lidhej me ish-të dashurën e tij.
Postimi në fjalë paraqiste një skenë nga "The Lord of the Rings", duke treguar Gollum teksa merr kontrollin e unazës së vetme. Në mbishkrim shkruhej "Vajzat në rrjetet sociale kur fejohen", ndërsa Gollum shikon unazën, duke “e valëvitur” me krenari.
View this post on Instagram
Aq u desh dhe fansat nisën menjëherë të aludojnë se postimi në fjalë lidhej me Selenën dhe fejesën e saj. Në X/Twitter, njerëzit nisën të ndanin teoritë e tyre të pafundme.
"Omg, Justin interesohet për të ende edhe pas gjithë këtyre viteve? Kjo është kaq e çuditshme; më pëlqen."
Një tjetër shkroi: "Duhet të jemi të lumtur që ai në thelb konfirmoi atë që dinim gjatë gjithë kohës".
Ndërkohë, të tjerët nuk ranë dakord dhe kërkuan që fansat të mos lidhin gjithçka që ai poston me ish-historinë e tij të dashurisë.
"Njerëz, ato meme nuk konfirmojnë asgjë, pse duhet të supozojmë se gjithçka që ai poston ka të bëjë me të? Nga kjo, mund të them vetëm se njerëzit kanë kohë të tepërt dhe e përdorin në gjëra të pakuptimta."
Gomez dhe Blanco njoftuan fejesën e tyre në dhjetor, ku Selena i tregoi botës unazën e saj të fejesës, përmes disa fotove në rrjete sociale.
Artikuj të sugjeruar:
