Regjisori Sam Mendes po fillon një projekt me katër filma, secili nga këndvështrimi i një anëtari të grupit – për bandën legjendare të muzikës, Beatles.

Në filma do të luajnë Paul Mescal si Paul McCartney, Harris Dickinson si John Lennon, Joseph Quinn si George Harrison dhe Barry Keoghan si Ringo Starr.

Katër filmat, të cilët do të tregojnë historinë e një prej grupeve më me ndikim dhe më të adhuruar në botë, do të dalin së bashku në prill të vitit 2028, “duke krijuar përvojën e parë teatrale të paharrueshme”, shkroi kompania e prodhimit të regjisorit.

Ja një vështrim më i thellë për aktorët që do të luajnë “Katërshen Fantastike”:

Paul Mescal në rolin e Paul McCartney

Getty Images

Profili i Paul Mescal u ngrit në qiell verën e kaluar kur 29-vjeçari luajti në epikën historike të Ridley Scott, "Gladiator II". Kjo pasuar prej shfaqjeve të mirënjohura në dramën romantike "All of Us Strangers” dhe tregimin babë e bijë "Aftersun", që i dha atij një nominim për Oscar në vitin 2023 për aktorin më të mirë.

Por ishte roli i tij i parë televiziv, si Connell në serialin televiziv të Hulu-s, në vitin 2020 "Normal People", që e katapultoi aktorin irlandez në një famë të menjëhershme dhe e ktheu atë në një sex symbol.

Harris Dickinson në rolin e John Lennon

Getty Images

Aktori britanik Harris Dickinson, 28 vjeç, "shpërtheu" në filmin e pavarur të vitit 2017 "Beach Rats", në të cilin ai luante rolin e një djali të ri që luftonte me gjetjen e seksualitetit të tij. Më vonë ai pati role kryesore në dramën historike "The King's Man", misterin e vrasjes "Where the Crawdads Sing" dhe komedinë e errët "Triangle of Sadness".

Fama e Dickinson arriti nivele të reja me performancën e tij në filmin "Babygirl" në vitin 2024. Në film, ai luante rolin e një praktikanti që fillon një lidhje të ngatërruar me shefen e tij të martuar, që luhet nga Nicole Kidman.

Joseph Quinn në rolin e George Harrison

Getty Images

Joseph Quinn, 31 vjeç, luajti Eddie Munson në sezonin e katërt të serialit televiziv "Stranger Things". Ai gjithashtu luajti përballë Lupita Nyong'o vitin e kaluar në "A Quiet Place: Day One" dhe u shfaq së bashku me Mescal në "Gladiator II".

Aktori britanik me siguri do të bëhet një fytyrë edhe më e njohur në Marvel Universe me rolin e tij në "The Fantastic Four: First Steps", që pritet të dalë këtë verë; si dhe dhe në filmat e ardhshëm "Avengers: Doomsday" dhe "Avengers: Secret Wars".

Barry Keoghan në rolin e Ringo Starr

Getty Images/ AP

Barry Keoghan rrëmbeu vëmendjen e të gjithëve me rolet e tij dytësore në filmat "Dunkirk", "The Green Knight" dhe "The Banshees of Inisherin", që i dha atij një nominim për Oscar për aktorin më të mirë në rol dytësor në vitin 2022.

Roli i parë kryesor i aktorit irlandez ishte në filmin "Saltburn" (2023), i cili u bë një hit vitin e kaluar.

Artikuj të sugjeruar:

^{Burimi: The New York Times}