Art Explora, festivali kulturor lëvizës që zhvillohet në kuvertën e një anije muze. E ndërtuar me synimin për të përshkuar dete dhe oqeane, festivali ofron përvoja novatore artistike tërësisht pa pagesë. Në udhëtimin e tij nëpër Mesdhe, Festivali Art Explora çmon artistët vendas dhe promovon një dialog rreth sfidave më të mëdha të kohës.
Pasi e ka hedhur spirancën në Maltë, Itali, Francë, Marok dhe Spanjë, festivali po e drejton kursin drejt Shqipërisë, për t’u ndalur në Durrës, prej datës 10 deri më 21 prill 2025.
Ndalesa e parë e Festivalit Art Explora do të jetë Porti i Durrësit. Programi artistik kurohet nga kuratorja shqiptare Arnisa Zeqo, në bashkëpunim me Anima Pictures përgjegjës për produksionin. Festivali organizohet në kuvertën e anijes së parë muze në botë dhe në kalatën e portit. I konceptuar në disa pavijone dhe hapësira kolektive, me një program që ndërthur ekspozita, realitet virtual, performanca, biseda, projeksione filmash dhe koncerte. Festivali ofron programacion të përshtatur për të gjitha llojet e audiencave, me punëtori të dedikuara për shkollat dhe grupimet lokale.
Ky program ndërdisiplinor, me performanca, koncerte, projeksione filmash, shfaqje kërcimi, punëtori dhe diskutime, është i hapur për të gjithë, ofron përvoja novatore artistike dhe kulturore TËRËSISHT PA PAGESË.
Programi i Festivalit Art Explora në Durrës, 10 deri më 21 Prill
PËRVOJA IMERSIVE NË KUVERTËN E ANIJES MUZE:
Në Kuvertë: Një përvojë zanore imersive e përqendruar rreth begatisë dhe larmisë së Mesdheut, projektuar dhe prodhuar nga IRCAM (Instituti Francez për Kërkim dhe Koordinim në Akustikë/Muzikë në Qendrën Pompidou në Paris) dhe Ircam Amplify.
Brenda anijes: Udhëtoni nëpër kohë dhe hapësirë me serinë e realitetit virtual Mediterranean Wonders - Mrekullitë Mesdhetare. I zhvilluar me Ubisoft, ky instalacion mundëson përjetimin e qyteteve të lavdishme mesdhetare, si Athina, Aleksandria dhe Venecia.
PAVIJONET E EKSPOZITËS NË KALATËN E PORTIT:
Ekspozita Imersive E Tashme, krijuar si pjesë e bashkëpunimit të jashtëzakonshëm me Muzeun e Luvrit, shquan përmes digjitalizimit të disa prej koleksioneve të tij, figura të grave në qytetërimin mesdhetar. Ngjarja kulturore është e ndarë në dy faza dhe, fillon me një film prezantues që ofron kontekstin për përvojën imersive të mëvonshme. Kjo e fundit zhvillohet në një tunel 16 metra të gjatë, të mbuluar me 120 m2 ekrane LED.
Ekspozita e artit bashkëkohor Under the azure - Nën Kaltërsi, në pavijonin qendror, është një koleksion punimesh, rreth 20 artistë, i frymëzuar nga fuqia ndjellëse e Detit Mesdhe, mitet që e rrethojnë, gjallesat që e banojnë dhe vizionet që sjell në jetë. Artistët pjesë të ekspozitës përfshijnë: Etel Adnan, Simone Fattal, Edi Hila, Marguerite Humeau, Marisa Merz, Joan Miró dhe Anri Sala.
Kuratorë: Rebecca Lamarche-Vadel dhe Blanche de Lestrange
Pavijoni i fotografisë përmban ekspozitën e fotografisë dhe imazheve lëvizëse Undertow - Rrymë nënujore, përmes punës së rreth 15 artistëve bashkëkohorë nga bota arabe, fokusohet në marrëdhëniet midis mikpritjes, migrimit dhe çatdhesimit . Artistët pjesë të ekspozitës përfshijnë:Majd Abdel Hamid, Bouchra Khalili, Randa Maroufi, Valentin Noujaïm, Sara Sadik dhe Akram Zaatari.
Kuratorë: Amanda Abi Khalil dhe Danielle Makhoul
Momente të rëndësishme të festivalit, hapja e të cilit nis me date 10 Prill dhe është FALAS për audiencën: Performanca dhe Poezi, Instalacione artistike, Koncerte dhe DJ sets, Fundjava e Oqeanit (19-21 prill) – Diskutime dhe performanca rreth urgjences klimatike. Përpos programit shumë interesant, ajo çka i jep më shumë vlerë janë emrat më në zë të artistëve që do jenë në axhendën e festivalit si: Mykki Blanco, Elsa Lila, Astrit Ismaili, Mimoza Ahmeti, Selma Selman e shumë të tjerë.
Prej pranverës së vitit 2024 deri në vjeshtën e vitit 2027, anija muze do të udhëtojë në 15 vende të Mesdheut – djep i qytetërimeve të mëdha dhe ndërthurjes së kulturave – duke ndërlidhur artistë, kuratorë ekspozitash, organizata të kulturës, edukimit dhe OJF që të gjithë së bashku do të përfytyrojnë një vizion të ri të Mesdheut. 5 nga këto ndalesa janë bashkëfinancuar nga Bashkimi Evropian, përmes programit Europa Krijuese.
Art Explora Festival, Porti Durrës
10 Prill:
Hapja për gazetarët në orën 3pm
Hapja për publikun në orën 5:30pm
11 - 21 prill:
Anija Muze është e hapur nga 11am-9pm
Pavijonet e Ekspozitave është e hapur nga ora 11am-10pm
Programi & Biletat
https://www.artexplora.org/sq/festival/ville/durres
Kontakt:
Ervin Qafmolla
[email protected]
+355 69 707 77 11
