Përballë një rafti të mbushur me pije të ndryshme, mund të duket si mision i pamundur të zgjedhësh atë të duhurën. Nga pijet energjike që të japin “fuqi të pakufishme”, tek ato freskuese që premtojnë shije, mund të biesh pre e marketingut. Por, nëse shpeshherë e gjen veten duke pyetur “çfarë po pimë” dhe je në dilemë për konsumimin e pijeve të shëndetshme dhe natyrale, është momenti të lexosh këtë artikull dhe t’i hedhësh një sy etiketave.
Ç’duhet të kontrollosh saktësisht?
1. Përbërësit: Po konsumon më të mirën?
Përbërësit janë si pasaporta e pijes: të tregojnë çfarë ndodhet në të vërtetë brenda. Shumë marka mund të të mashtrojnë me përshkrime të bukura, prandaj është momenti të lexosh me kujdes:
Përbërës natyralë: Edhe pse mund të tundohesh nga paketimet që thonë “fruta të freskëta” ose “shije natyrale”, kontrollo se çfarë ka vërtet brenda. Uji mineral natyral, sheqeri i thjeshtë dhe përbërësit e tjerë të pandotur janë gjithmonë një zgjedhje më e mirë. Mos harro, është shumë e rëndësishme që të zgjedhësh ujin që vjen nga fabrika të cilat lejojnë konsumatorin të vizitojnë ambientet e tyre, në mënyrë që të kontrollojnë vetë cilësinë e produktit që konsumojnë.
Kimikate dhe jo vetëm: Nëse sheh përbërës që tingëllojnë si nga laboratorët e kimisë (aromatizues,, konservantë), mund të jetë koha për të zgjedhur një opsion më natyral.
2. Kaloritë: A është pija një “bombë” kalorish?
Kaloritë mund të duken si një numër i vogël, por kur pijet e tilla konsumohen shpesh, ato mund të bëhen një burim i madh kalorish. Kontrollo gjithmonë numrin e kalorive për porcion dhe krahaso me produktet e tjera.
3. Uji: Cilësia është çelësi
Nuk është një sekret që uji është përbërësi kryesor i shumë pijeve. Por, a është uji i këtyre pijeve i pastër dhe i shëndetshëm?
Uji mineral natyral: lloji i ujit që është i pasur me minerale që janë të dobishme për trupin. Ai mbushet direkt nga burimi natyral, thjesht filtrohet për ndonjë papastërti të mundshme. Shiko për etiketat që theksojnë se uji është mineral natyral, pasi është një tregues i cilësisë. Shiko për logot që e përshkruajnë ujin si “premium”, si dhe e theksojnë që uji është i mbushur nga burimet në territoret shqiptare.
Table Water (uji i trajtuar): është uji natyral që kalon përmes disa proceseve të trajtimit për t'u bërë i sigurt për konsum. Edhe pse ky lloj uji është gjithashtu i sigurt, ai ka humbur disa nga vlerat natyrale. Uji natyral mineral mbetet zgjedhja më e mirë.
4. Origjina dhe burimi: Po konsumon diçka që vlen?
Burimi natyral: Shumë marka e nënvizojnë këtë – një burim natyral dhe i pastruar që siguron cilësi dhe freski.
Marka dhe besueshmëria: Markat e certifikuara dhe të besueshme që njihen për cilësinë e lartë të produkteve të tyre shpesh ofrojnë më shumë siguri për konsumatorin.
5. Certifikatat dhe standardet: A ka garanci për cilësinë?
Disa marka janë të certifikuara për të garantuar cilësinë e lartë dhe sigurinë e produkteve të tyre. Nëse shesh certifikata organike ose të cilësisë ushqimore, mund të jesh më i/e qetë për zgjedhjen që po bën.
Certifikatat e cilësisë janë një garanci që produkti është i sigurt dhe ka kaluar teste të rrepta për t’u siguruar që është i përshtatshëm për konsum.
6. Data e skadencës
Për çdo pije, data e skadencës është një faktor i rëndësishëm që duhet të kontrollosh. Asnjëherë nuk duhet të konsumosh një produkt pas datës së skadencës.
Artikuj të sugjeruar:
