Nuk mendoj se duhet të flas shumë për atë që fotoja mëposhtë nënkupton, pasi dyshoj të ketë ndonjë shqiptar që e ka humbur sherrin epik mes Kastro Zizos dhe Zhakut.
Dyshja që dikur na dhuroi një ndër momentet më ikonike në “Zonë e Lirë” është bërë sërish bashkë.
Kastro Zizo dhe Inida Gjata, e njohur si Zhaku, do të jenë dy opinionistët e “Ferma VIP 2”. Sapo u takuan, moderatorja e formatit, Luana Vjollca i pyeti për raportin me njëri-tjetrin dhe Kastro theksoi se ai dhe Zhaku nuk janë zënë kurrë në të vërtetë. Khëm-Khëm, pra zënka mes tyre ka qenë një inskenim gjenial.
Vitet kanë kaluar, por karizma e Kastros dhe Zhakut duket sikur mbetet e njëjta, ndaj presim që të na dhurojnë të tjera momente epike.
