Ish-asistentja e David Beckham, Rebecca Loos, ka risjellë historinë e tradhtisë së tij dhe ka qëndruar e palëkundur në pretendimet e saj të mëparshme.
Në një intervistë të publikuar ditën e djeshme, Loos, e cila punoi si asistente personale e Beckham në vitin 2003, u shpreh se ajo “ka qëndruar e vërtetë” ndaj deklaratave që kishte bërë më parë, ku pretendonte se kishte pasur një lidhje katër-mujore me yllin e futbollit gjatë kohës që ai ishte i martuar me Victoria Beckham.
Loos, tani 47 vjeç, tha:
“Unë i kam qëndruar të vërtetës. Nuk kam ekzagjeruar kurrë. Nuk kam gënjyer kurrë për një gjë të vetme.”
Ajo e quajti të guximshëm faktin që doli kundër një prej çifteve më të fuqishme dhe theksoi se ajo kishte vetëm të vërtetën në anën e saj:
“Pse? Sepse unë po dal kundër çiftit më të fortë, më të fuqishëm në media që kanë të gjitha paratë në botë për PR-in më të mirë, avokatët më të mirë. Dhe gjithçka që kisha në anën time ishte e vërteta.”
Në vitin 2004, David Beckham i mohoi akuzat e Loos, duke i cilësuar ato si "qesharake" dhe duke theksuar se ai ishte "lumturisht i martuar" dhe se nuk kishte asnjë ndikim nga askush për të ndryshuar marrëdhënien me gruan e tij.
Loos tani po reflekton mbi atë periudhë dhe shpjegon se puna e saj si asistente për David-in e kishte bërë atë të ishte "personi i parë që e shihte në mëngjes dhe e fundit në mbrëmje".
Ajo përsëriti pretendimet se lidhja e tyre nisi pasi Victoria ishte jashtë qytetit dhe se David-i e ftoi në një hotel, ku ajo "u dorëzua" ndaj tij. Ajo gjithashtu e përshkroi këtë periudhë si një eksperiencë të vështirë, ku ajo kuptoi se Beckham kishte “luajtur” me të.
Loos shpjegoi se ndikimi i këtyre ngjarjeve në jetën e saj kishte qenë "traumatik" dhe se kishte pasur kohë që të rikuperohej prej tyre.
Në dokumentarin e vitit 2023 për David dhe Victoria Beckham-in, ata folën për periudhën e vështirë të martesës së tyre gjatë kohës që David-i u transferua në Real Madrid. Pavarësisht se nuk përmendën emrin e Loos-it, ata e përshkruan atë si një periudhë të mbushur me "histori të tmerrshme", por që, sipas Davidit, nuk e ndikuan seriozisht jetën e tij private.
Victoria tha: “Ndiheshim sikur bota ishte kundër nesh”, ndërsa David-i shtoi: “Ishte hera e parë që unë dhe Victoria u vumë nën atë lloj presioni në martesën tonë.”
Burimi: People
