Stephen Graham ka zbuluar nëse seriali dramatik i Netflix, “Adoloscence”, mund të rikthehet për një sezon të dytë.

Seriali, i cili ka fituar shikueshmëri të madhe dhe shumë pëlqyeshmëri brenda dy javëve të para të transmetimit, përshkruan pasojat pasi një 13-vjeçar akuzohet për vrasjen e shoqes së klasës.

I shkruar nga Graham dhe Jack Thorne, skenari prek temat bashkëkohore të ndikimeve negative që rrjetet sociale kanë te të rinjtë dhe adoleshentët, duke kuptuar dhe ndikimin e bullizimit në shoqëri.

Në një intervistë me Variety, Graham dhe producentja ekzekutive Hannah Walters, të cilët janë të martuar në jetën reale, diskutuan mundësinë e së ardhmes së serialit pasi gjithnjë e më shumë shikues po e ndjekin atë në Netflix. Graham tha:

"Le të shohim se si shkojnë numrat" - duke iu referuar suksesit të madh të serialit deri më tani - duke shtuar se "ekziston potenciali që një histori tjetër të zhvillohet".

Walters komentoi se do të ishte e vështirë të krijonte një vazhdim të denjë të serialit, duke pasur parasysh ndikimin e madh që ai ka pasur tashmë, por shtoi se dëshiron të vazhdojë partneritetin me Netflix.

Megjithatë, ekzistonte një opsion që e përjashtoi kategorikisht:

"Një vazhdim i Adolescence përfundimisht nuk do të ndodhë. Por ka një rrugë të gjatë për të bërë për të riinvestuar në natyrën njerëzore dhe për të parë /krijuar diçka tjetër."

Pra, mbase ky serial mund të mos ketë një vazhdim të mirëfilltë, por do të krijohet një tjetër histori që po ashtu prek tema sociale, duke pasur të njëjtin impakt te shikuesit.

Më shumë rreth serialit: