Omicron mund të nënkuptojë fundin e pandemisë në Europë, thotë OBSH
Varianti Omicron e ka zhvendosur pandeminë e Covid-19 në një fazë të re dhe mund t'i japë fund asaj në Europë, tha drejtori i OBSH-së për Europën.
“Është e besueshme që rajoni po shkon drejt një faze që është fundi i pandemisë,” tha Hans Kluge për AFP, duke shtuar se Omicron mund të infektojë 60% të europianëve deri në mars.
Sapo rritja e Omicron që do të përfshirë të gjithë Europën të ulet, "do të ketë për mjaft javë dhe muaj një imunitet global, ose falë vaksinës ose sepse njerëzit kanë imunitet për shkak të infeksionit.”
Për më shumë informacion, klikoni këtu.
Qeveria greke fajësohet për krizën e urisë në kampet e refugjatëve
Grupet humanitare kanë akuzuar qeverinë greke për nxitjen e një krize urie në kampet e refugjatëve si pasojë e zgjedhjeve "të ndërgjegjshme" të politikave që kanë lënë mijëra njerëz pa ushqim.
Vendimet që synonin të pengonin flukset e emigrantëve, thanë ata, kishin krijuar një situatë të patolerueshme në të cilën refugjatët kanë pasur vështirësi për të ushqyer veten për muaj të tërë.
"Është e paimagjinueshme që njerëzit të jenë të uritur në Greqi," tha Martha Roussou nga Komiteti Ndërkombëtar i Shpëtimit. "Pa fajin e tyre, ata kanë kaq kaq shumë vështirësi dhe të gjitha për shkak të një problemi të krijuar nga boshllëqet në legjislacion dhe politikë."
Përplasje në Bruksel: Mijëra nejrëz protestojnë kundër pasaportave të vaksinave dhe kufizimeve të Covid
Prania e flamurit shqiptar është e paqartë.
Policia belge hodhi ujë dhe gaz lotsjellës të dielën në një përpjekje për të shpërndarë demonstruesit në Bruksel të cilët u mblodhën për të protestuar kundër masave të qeverisë për Covid-19 dhe vaksinimeve.
Demonstruesit – të cilët sipas autoriteteve ishin rreth 50,000 - marshuan nëpër kryeqytet përpara se të mblidheshin në parkun Cinquantenaire në kryeqytet, ku shprehën kundërshtimin e tyre ndaj politikave të qeverisë për virusin.
“Stealth Omicron”: A duhet të shqetësohemi?
Nënvarianti i Omicron, BA.2, i cili po emërtohet me emrin "Stealth Omicron", duket se po fiton terren në disa pjesë të botës, duke përfshirë Danimarkën dhe Mbretërinë e Bashkuar.
Agjencia e Sigurisë Shëndetësore e Mbretërisë së Bashkuar e përcaktoi BA.2 si një variant nën hetim ndërkohë që theksoi se normat aktuale të rasteve janë shumë të ulëta.
A duhet të shqetësohemi? Omicron, i cili gjithashtu quhet B.1.1.529, ka tre nënshtresa kryesore, BA.1, BA.2 dhe BA.3, sipas OBSH-së. Deri më tani, ka qenë BA.1 që ka dominuar dhe OBSH ka vlerësuar se përbën shumicën e të të gjitha rasteve të Omicron. Megjithatë, në disa vende, BA.2 ka filluar të përhapet më shpejt dhe është ende nën hetim.
Burimet: Guardian, Euronews
