Wolt, platforma lider për dërgesa të shpejta dhe praktike, po zgjeron shërbimet e saj në Durrës, duke u ofruar banorëve dhe vizitorëve një mënyrë të lehtë për të shijuar restorantet, marketet dhe dyqanet e tyre të preferuara nga komoditeti i shtëpisë.
I shtrirë në më shumë se 50 vende, Wolt i mundëson përdoruesve në Durrës mundësi të porosisin nga një gamë e larmishme restorantesh të nivelit të lartë, duke përfshirë KFC, Likos Burgers, Yogurteria, Uma Food & More, si dhe rrjete supermarketesh me emër si Conad. Përveç kësaj, me rrjetin gjithnjë e në rritje, do të jenë të përfshira edhe dyqane lulesh, telefonash, dhe shërbimesh të ndryshme, me më shumë biznese që do t`i bashkohen së shpejti platformës.
Zgjerimi i Wolt do të mbulojë të gjithë qytetin, duke përfshirë zonën e njohur të plazhit, e duke siguruar një shërbim të shpejtë dhe të besueshëm nga ora 08:00 deri në 23:00 çdo ditë. Klientët mund të përfitojnë nga dërgesat brenda një rrezeje prej 4 km për restorantet dhe dyqanet, duke siguruar ushqime të freskëta dhe shpejtë direkt në derën e tyre.
"Jemi të entuziazmuar që po sjellim përvojën e shkëlqyer së dërgesave të Wolt në Durrës, një qytet plot gjallëri me një panoramë dinamike ushqimore dhe tregtare. Qëllimi ynë është të lidhim klientët me bizneset e tyre të preferuara lokale, duke ofruar dërgesa të shpejta dhe të besueshme," u shpreh Dimitris Karelos, Menaxher i Përgjithshëm Rajonal në Wolt.
Aplikacioni dhe faqja e internetit të Wolt ofrojnë një përvojë porositjeje të lehtë dhe praktike, me ndjekje në kohë reale, pagesa të sigurta dhe një sistem të lehtë për t'u përdorur. Me një numër gjithnjë e në rritje të bashkëpunëtorëve, Wolt vazhdon të mbështesë bizneset lokale duke u ofruar atyre një platformë digjitale për të fituar më shumë klientë.
Banorët e Durrësit tani mund të shkarkojnë aplikacionin Wolt në iOS dhe Android ose të vizitojnë www.wolt.com për të filluar porositë. Përdoruesit e rinj mund të përfitojnë nga ofertat dhe zbritjet ekskluzive për të festuar zgjerimin e shërbimit.
