Shtëpia Botuese 'Dudaj' ka sjellë në tregun shqiptar botimin më të fundit të autores Lauren Weisberger, 'Hakmarrja vishet me Prada', përkthyer nga përkthyesja Edlira Keta.
Shkrimtarja bestseller e librit "Djalli vishet me 'Prada", rikthehet sërish me vazhdimin e librit që u botua në dyzet gjuhë të botës dhe u përshtat në filmin e suksesshëm me Meryl Streep dhe Anne Hathaway. Dhe historia vazhdon me 'Hakmarrja vishet me Prada', dhjetë vite më pas, që nga koha kur Endi Saksi braktisi punën e adhuruar nga një milion vajza, punën me Miranda Presli tek revista 'Runway', punë që më pas do të kthehej në një makth të vërtetë.
Në librin 'Hakmarrja vishet me Prada" Endi së bashku me asistenten Emilia janë bërë bashkë për të themeluar një revistë nusesh, e cila shënon sukses dhe josh shumë vaja të reja. Kështu Endi shkruan dhe kujdeset për brendinë e revistës ndërsa Emilia merret me festat dhe reklamimin, të cilën e konsideron si pikë të fortë të sajën. Por duket se gjërat i shkojnë vaj edhe në aspektin dashuror sepse Endi ta takuar dashurinë e jetës së saj, Maks Harrison- një mashkull tepër i pashëm dhe i suksessshëm, pasardhës i një familjeje të pasur mediatike.
Martesa e tyre arrin të zërë faqet e para të mediave sociale ndërsa familja mblidhet për të festuar me çiftin e shkëlqyer por edhe pse Endi është në qiellin e shtatë asaj i duhet të përbalet me 'karma-n'.
Mëngjesin e dasmës, Endit i rikthehet e shkuara pasi zbulon një letër shumë komprometuese dhe gjithçka pas kësaj i kthehet në makth. Ajo kupton se asgjë nuk është ashtu siç duket, se as bashkëshorti apo karriera e saj e shtrenjtë nuk janë ashtu siç duken.
Endi Daksi-t nuk do t'i kishte shkuar kurrë ndërmend se rruga e saj do të kryqëzohej sërish me atë të 'Djallit', dora vetë.
