Sot në rubrikën “Kush e merr vesh,” i rikthehemi Mozzikut dhe Loredanës. Pasi ky i fundit tha se kënga “Dhelpër dinake” është dhe s’është dedikim për dikë – që do të thotë për Loredanën – kjo e fundit e këndon në Instagram dhe s’e lë me kaq. Reperja përfshiu dhe linkun e këngës për gjithë të interesuarit. Ndoshta për të nënkuptuar që kënga ka nevojë të promovohet? Ndoshta për të shënjuar zbutjen e gjakrave? Kush e merr vesh.
Skenari është i tillë. Loredana është në makinë, tren, një mjet transporti dhe po dëgjon muzikë teksa filmon veten. Histori e vjetër sa koha. Një nga këto këngë është “Dhelpër dinake,’ sikur të mos ishte e ishit. Nëse ju vlen për gjësendi, pas këngës së Mozzikut, postoi një këngë të sajën, “Keine Rosen” ku i kërkon partnerit të mos i sjellë trëndafila dhe mëngjes në shtrat, por lekë!
View this post on Instagram
Ky është reagimi i dytë i Loredanës në lidhje me këngën që thuajse të gjithë e konsiderojnë si diss për të. Në një shkëmbim komentesh me një nga miqtë e saj, ajo tha “Unë jam dhelpër. Kështu pretendon dikush të paktën.”
Këtu, deklarojmë të hapur fazën: “S’janë ndarë, e bëjnë për marketing.”
