Pranvera po afron dalëngadalë, ndaj kjo është koha e duhur për të ndryshuar edhe mënyrën se si grimohemi. Një nga tendencat më të njohura që pritet të dominojë këtë sezon është "grimi me bojëra uji", sipas artistëve të make up-it.

Nikki Wolff, një grimere e njohur që punon me të famshëm si Sabrina Carpenter, Yara Shahidi, Simone Ashley, Rosie Huntington-Whiteley, Dua Lipa dhe Gracie Abrams, thotë se ka vërejtur një rritje të popullaritetit të "grimit me bojëra uji".

Çfarë është grimi me bojëra uji?

Emri i referohet pikturave të bukura me bojëra uji, që shpesh përshkruajnë peizazhe ëndërrimtare ose portrete romantike, duke përdorur shtresa të lehta boje në kanavacë. Trendi përkatës në grim ndjek një estetikë të ngjashme. Nikki e përshkruan grimin me bojëra uji si “ngjyra të lehta dhe të paqarta që duken sikur janë shkrirë në lëkurë”.

“Në vend të toneve të rënda, elementi dominues janë nuancat e ngjyrave transparente rreth syve, buzëve dhe faqeve.”, shpjegon ajo.

Pse të zgjidhni grimin me bojëra uji?

Me pranverën mes nesh, nuancat pastel dhe ngjyrat e gëzueshme po rikthehen në koleksionin tonë të grimit. Megjithatë, nëse nuk jeni adhuruese e ngjyrave të ndezura dhe preferoni një stil më minimal në grim, grimi me bojëra uji ofron edhe një metodë më elegante duke përfshirë nuancat e mrekullueshme të rozës dhe blusë.

Disa sugjerime:

Burimi: Marie Claire

Artikuj të sugjeruar: