Shpërthime në Tel Aviv, dyshohet për sulm terrorist
Tre shpërthime janë regjistruar në tre autobusë bosh në parkingje në periferi të Tel Avivit.
Askush nuk u lëndua dhe incidentet janë duke u hetuar, raportoi e përditshmja Yedioth Ahronoth, duke cituar policinë.
Një deklaratë e policisë tha se një numër i madh oficerësh është vendosur në vendet e shpërthimit, duke kryer kërkime, ndërsa ekspertët e asgjësimit të bombave po ekzaminojnë skenat për të siguruar që nuk ka pajisje shtesë shpërthyese ose objekte të dyshimta.
Agjencia e sigurisë së brendshme Shin Bet dhe policia po vlerësojnë nëse incidenti ishte një sulm i koordinuar.
BE mbron Zelenskyn, pas sulmeve të Trump
Ka pasur një mori mbështetjesh në të gjithë Europën për legjitimitetin e Volodymyr Zelensky si president i Ukrainës pasi Presidenti i SHBA, Donald Trump, e quajti atë diktator.
Komentet e Trump, në një postim në Truth Social, erdhën një ditë pasi Zelenskyy tha se Trump po jetonte në një "flluskë" dezinformimi rus.
Të mërkurën, Trump vuri në dyshim pozicionin e Zelensky si president pasi mandati i tij skadoi në maj të vitit të kaluar dhe nuk u thirrën zgjedhje të reja.
Komisioni Evropian tha se "Ukraina është një demokraci" dhe se Zelensky është një udhëheqës i zgjedhur "në mënyrë të drejtë".
Ministrja e Jashtme gjermane: “Jam ngacmuar seksualisht”
Ministrja e Jashtme gjermane, Annalena Berbock ka qenë viktimë e ngacmimeve seksuale “shumë herë”, siç zbuloi ajo gjatë një fjalimi në podcastin “G Spot”.
Tema e intervistës ishte politika e jashtme feministe dhe fenomenet e seksizmit në jetën publike.
“Rasti #MeToo më bëri të rimendoj gjërat. Vetëm tani po e kuptoj se sa herë jam ngacmuar vetë,” tregoi Burbock dhe tregoi një incident nga koha kur ishte studente.
“Në autobusin për në shkollë, një zotëri i moshuar më vuri dorën në këmbë. E kam ende imazhin përpara, edhe pse e kisha harruar. M’u deshën pesë ndalesa për të gjetur guximin për t’u larguar. Mendova se po të thosha diçka, do të më shikonte i gjithë autobusi”, tha ministrja.
Zgjedhjet në Gjermani, rezultatet e sondazheve
Aleanca e qendrës së djathtë të Gjermanisë CDU/CSU ka humbur 2 pikë përqindjeje vetëm disa ditë përpara zgjedhjeve të parakohshme të së dielës, ndërsa AfD e ekstremit të djathtë ka shënuar rritje të lehta.
Udhëheqësi konservator Friedrich Merz dhe blloku i tij CDU/CSU kanë rënë në 28% – performanca e tyre më e keqe e sondazheve këtë vit – sipas sondazhit të fundit nga transmetuesi publik ZDF.
AfD e ekstremit të djathtë ka konsoliduar pozicionin e saj si forca e dytë më e fortë politike në vend, duke arritur 21% mbështetje duke shtuar një pikë përqindje. Partia anti-emigrante ruan bazën e saj më të fortë mbështetëse në vendet ish-komuniste të Gjermanisë Lindore.
Partia Social Demokratike (SPD) e kancelarit Olaf Scholz mbetet në 16% – një shifër që do të shënonte performancën më të keqe elektorale të partisë që nga viti 1949.
