Mbrëmë në shtëpinë e “Big Brother” hyri Xheneta dhe shkaktoi një skenë të madhe! Shumë u shokuan prej pabesisë së përshfaqur dhe shumë lot u derdhën nga palë të ndryshme, përfshirë dhe ne si publik. Ok, ok, nuk është kjo ajo që ndodhi me të vërtetë. Të vërtetat e renditura kronologjikisht i gjeni më poshtë:
#1. Shtëpia kundër Gertës
E rifutën vetë në shtëpi të martën e kaluar? Të martën e djeshme Rozanës, Gjestit dhe Laertit nuk po u dilte e keqja që Gerta e kishte marrë mundësinë e tyre dhe vlerësimin e publikut si një fitore të hershme të saj. Patjetër, jo pa faj nëse pretendojnë të fitojnë vetë.
Thjesht të tre zgjedhin ta shprehin në mënyra të ndryshme: Rozana duke thënë ‘e futa se e dua kokë më kokë’; Gjesti se ‘e kishte vetëm për strategji zgjedhjen e tij për ta rifutur Gertën’ dhe Laerti se ‘e konsideron veten të parin në shtëpi dhe Gerta thjesht nuk duhet të dilte në atë mënyrë meqë ishte lojtare e fortë’ sipas tij.
#2. Përshëndesim të përjashtuarit
Në realitet çunat e këqij i fusin brenda, nga Bigu i nxjerrin jashtë. Jozi si ngaherë lëshon ndonjë perlë dhe sërish i referohej fjalës së rëndë që i drejtoi Gjestit si një keqkuptim nga publiku. I pyetur se kë donte që ta fitonte lojën tha 'Danja' pa u menduar dy herë dhe unazën e martesës me Loredanën e kishte hequr me kohë. Gjykojini vetë këto veprime të tij.
G Bani nga ana tjetër, të cilit ia njihnim zellin poetik, mbajti një deklaratë të gjatë, por shumë të bukur dje, ku ndër të tjera na krijoi kuriozitetin e madh se cili ishte personi brenda shtëpisë që ‘kishte nxjerrë fëmijën brenda tij dhe e kishte bërë të dilte nga vetja’. DANJA…u shpreh dhe G Bani se donte që ta fitonte lojën. Siç ju thamë, ne paraqesim informacionin, ju gjykojeni për veten tuaj.
#3. Largimi i Jozit
Doli një teori e re aty që Valbona ato vajtimet për Jozin i kishte më shumë se thjesht për një mik. Vëllai i Madh që nuk kursehet për të shfrytëzuar rastin, çon Loredanën në dhomën e rrëfimit dhe i tregon një klip ku Jozi mbronte me shpirt Valbonën pas daljes nga shtëpia dhe duart e tij të boshatisura, pa unaza.
Nëse deri më tani Loredanës nuk i kishin mjaftuar sinjalet e Jozit, duket sikur më në fund, ajo u kthjellua dje…kështu shpresojmë të paktën.
#4. Deshifrojmë “çiftin” Egli – Gjesti
Dashuria nuk po e gjen dot rrugën e shkretë në këtë Big dhe nëse ka një gjë që nuk mund të sforcohet është pikërisht ajo: ndjenja e vërtetë midis dy personave. Që Egli dhe Gjesti kanë ndjenja kjo është e sigurt, problemi është se jo të dy për njëri-tjetrin.
Produksioni dje ishte lodhur me përrallat e tyre dhe tregoi një klip të daljes së Xhenetës në “Fan Club”. Egli patjetër u shkatërrua (për momentin) dhe filloi duke qarë, kurse Gjesti u shpreh se ishte i lënduar nga Xheneta dhe s’donte të kishte të bënte me të. Lëndimi i tij ama shpreh të tjera gjëra…
“Të tjerë duam e të tjerë na duan” mori më së miri jetë dje, por e rëndësishme është të thuhet se Egli dhe Gjesti i dhanë duart njëri-tjetrit dhe edhe këta s’kanë më punë bashkë. Iku dhe një çift, kështu besojmë deri tani.
#5. Debati Laert – Rozana
Këta të dy rrinë rrinë dhe kujtohen se janë armiq me njëri-tjetrin. Nga saga e numërimit të kafeve që kanë pirë Rozana me Laertin, na del se 2 kanë qenë të tilla dhe motivet e tyre Rozana tha se më mirë mos t’i tregojë.
Si gjithmonë, çdo ndërveprim mes këtyre dy banorëve është në fakt një akt në ndihmë të njëri-tjetrit dhe dje Rozana s’u kursye ta vërtetojë kur i thoshte herë pas here ‘nxirr Laertin e vërtetë’ pasi qenka krijuar një përshtypje sikur ai është fikur komplet prej rrotullimit që u ka bërë djemve të shtëpisë Valbona.
#6. Dalin 8 veta në nominim
Do thoni ju po ata aq janë gjithsej? S’ka problem, Indriti del gjithsesi të shtunën. Mirëëë, na falni se kështu e parashikuam dhe herën e fundit dhe shpëtoi paq nga anullimi i televotimit.
Kësaj radhe, me shumicë nominimesh, përveç Gertës që është e përhershme në televotim, dolën dhe: Indriti, Valbona, Livia, Aldo, Egli.
Duke qenë se Laerti ishte lider, pati mundësinë të zgjidhte dhe dy persona të tjerë për t’iu bashkuar televotimit dhe zgjodhi Gjestin me Rozanën.
Pyetja është “Kë doni të shpëtoni?” dhe në fakt, keni plot mundësi zgjedhjeje.
Copyright Anabel.al / Ndalohet ribotimi pa lejen e redaksisë.
