Që nga futja e tij në treg, primer-i gjithmonë kanë shkaktuar dhe vazhdojnë të shkaktojë dilemën: a kemi nevojë për të apo është një shpenzim i panevojshëm? A është ky një hap tjetër përpara grimit që nuk nevojitet vërtet?
Fillimisht, primer është një produkt që aplikohet para fondatinës ose grimit të fytyrës për të krijuar një bazë të lëmuar dhe të njëtrajtshme. Ai ndihmon që grimi të zgjasë më shumë, kontrollon yndyrën, minimizon poret dhe mund të shtojë hidratim ose një përfundim mat, në varësi të formulës, të paktën kështu pretendohet.
Por, a është i domosdoshëm gjithmonë përdorimi i këtij produkti?
Shumë “betohen” se primer-i është një hap i domosdoshëm që nuk duhet të anashkalohet për shkak të efektit që jep në fytyrë, duke e bërë atë të duket mjaft e pastër, si dhe ndihmon në kohëzgjatjen e grimit.
Nëse nuk përdorni shumë grim dhe, për shembull, vini vetëm xhel për vetulla, rimel te qerpikët dhe pak shkëlqim buzësh, atëherë jo, nuk keni nevojë për të. Por nëse aplikoni korrektor, fondatinë, bronzer, blush, atëherë po, një primer është thelbësor.
Për të krijuar grimin perfekt, ju nevojitet një bazë e përsosur dhe përgatitja e saj është puna e këtij produkti. I jep lëkurës një strukturë të lëmuar, “fsheh” apo zbeh papërsosmëritë dhe siguron që produktet që aplikoni më pas do të zgjasin.
Në treg ka shumë primer, por për të zgjedhur atë të duhurin duhet të dini llojin e lëkurës tuaj. Nëse keni lëkurë të yndyrshme, duhet të merrni një primer që jep një përfundim mat dhe redukton poret. Nëse keni lëkurë të thatë, keni nevojë për një produkt që do të hidratojë thellësisht lëkurën tuaj.
Varientet janë të shumëllojshme, ndaj ju mund të zgjidhni të merrni një primer në bazë të lëkurës, por edhe buxhetit tuaj.
