Derisa të vijë 19 shkurti, muaji meriton t’u dedikohet vetëm Ujorëve, cilësitë e të cilëve duket se ngjallin zili për shumë njerëz të tjerë. Ç'të veçantë kanë ata që lakmohen nga gjithë shenjat e tjera të zodiakut? Shumë gjëra!
Për shembull, Ujori s’bën fare, po fare kompromis me lirinë, është një shenjë super inteligjente, flirtuese, e djallëzuar dhe le të themi që s’i kalon asgjë nën hundë.
Është shumë e thjeshtë ta dallosh një Ujor: E ke gjithnjë në cep, duke menduar për gjërat e veta, ose duke folur me zë të lartë për kauza të ndryshme.
Nëse ke një koleg Ujor duhet të dish se është një person plot ide, herë brilante e herë të çmendura. Por, sado të çmendura të duken idetë e një Ujori, ato sërish funksionojnë. Ujori mendon jashtë kornizave dhe bën kryevepra.
Ujori ka edhe një karakteristikë të veçantë: S’e vret mendjen hiç për mendimin e të tjerëve dhe kjo i bën të lirë e të pavarur nga gjykimet. Siç nuk i dëgjon gjykimet, as nuk gjykon, ndaj duhet ta dish se Ujori dhe thashethemet nuk shkojnë mirë bashkë.
Kjo shenjë Ajri nuk është shumë e ndjeshme dhe nostalgjike. Pak a shumë, është si një lumë, ecën vetëm para, ndaj s’do e gjesh kurrë duke i shkruar ndonjë ish-i, apo duke u penduar për të shkuarën.
Ujori është një shenjë e vetmuar dhe e paparashikueshme, por nëse gjen një person me të cilin mund të ndihet 100% vetvetja, del nga vetmia dhe e përqafon mendjen, trupin dhe shpirtin e individit fatlum. Por, para kësaj, duhet të dish se për një Ujor, organi më seksi është truri, ndaj bisedat intelektuale, arti, librat dhe muzika janë ato që thyejnë akullin.
Artikuj të sugjeruar:
