Që pas ndarjes nga ish-i i saj, këngëtarja Nicole Scherzinger duket se ka gjetur ngushëllim në krahët e një mashkulli tjetër. 37-vjeçarja ka lënë pas lidhjen 7-vjeçare me Lewis Hamilton dhe është fotografuar me futbollistin shqiptar 23-vjeçar, Pajtim Kasami, teksa shijon pushimet dhe feston ditëlindjen e saj në Mykonos.
Ylli i Pussycat Dolls është parë duke shkëmbyer puthje dhe përqafime me djaloshin 14 vjet më të ri në moshë. Pajtim Kasami ka lindur në Maqedoni nga një familje shqiptare dhe luan për kombëtaren zviceriane. Mesfushori u shpërngul në Angli nga Italia nw 2011-ën për të luajtur me skuadrën e Fullham për 5 milion paund. Ai u largua nga Fullham për në Greqi për të qënë pjesë e skuadrës së Olympiacos, ku luan dhe aktualisht.
Vetë Scherzinger ka treguar për ndjekësit në Instagram sesa shumë po i shijon pushimet në Mykonos me të dashurin e saj të ri. "Nuk mund të imagjinoja një pamje më të bukur ditëlindjeje për t'u zgjuar sesa kjo... në fakt nuk kam fjetur fare. Nuk dua të humbas asnjë sekondë të kësaj dite"- ka shkruar 37-vjeçarja.
Por edhe ish-partneri i Nicole, Lewis Hamilton nuk ka harruar t'a urojë atë ditën e sotme. Përmes një fotoje të tyren ai shkruan: "E dashur mike. Përgjatë viteve ne kemi ndarë shumë gjëra, s'do të ndryshoja asgjë nga ato. Të gjitha eksperiencat më kanë bërë mua burrin që jam krenar të jem në këto momente. Kujtimet tona nuk do të zhduken asnjëherë pavarësisht sesa rritemi unë jam shumë mirënjohës për kohën që kaluam".
Burimi: Daily Mail
