Meqënëse asgjë tjetër përveç zinxhirit të shpëtimeve nuk jepte material tjetër për debate, zënkat e kësaj nate do të rrotullohen vetëm mbi zgjedhjet që banorët bënë mbrëmjen e martë. T’i shikojmë më në detaje:
#1. Debati Rozana - Gjesti
Ajo që nisi si lojë nga Gjesti për të provokuar Rozanën në shpellë, përfundoi në një debat të vërtetë midis të dyve, të paktën kështu u shprehën ata.
Gjesti u kujtua të mërzitet me Rozanën për faktin se ajo shpëtoi Livian në zinxhir, gjë që rezultoi që dy banorët e fundit të mbeteshin Egli me Gjestin.
Rozana u shpreh se zgjodhi Livian sepse edhe e ka më përzemër se kushdo, edhe e shikon si lojtare më të dobët se Gjesti gjithsesi.
Nga hiçi, hapet teoria se Rozana është xheloze për Eglin dhe marrëdhënien e saj me Gjestin, dhe për këtë Rozana deklaroi përfundimisht se nëse s’duan të kenë më miqësi me Rozanën, ajo është e gatshme të jetë një kundërshtare e denjë për të dy.
Siç u tha dhe dje gjatë mbrëmjes disa herë, banorët e kolltukut blu mesa duket e kanë ndarë mendjen të hanë kokat e njëri-tjetrit.
#2. Hanë kokat Laerti dhe Valbona
Sepse Laerti shpëtoi Rozanën. Punë zinxhirash ky muhabet. Valbona doli në përfundimin se është ndjerë e përdorur prej Laertit gjatë gjithë kësaj kohe dhe darkën e ditëlindjes që Laerti i ofroi ta hanin bashkë, Laerti përfundoi duke e ngrënë vetëm.
Ndërkohë, Valbona u akuzua nga shumë se thjesht i pëlqen të viktimizohet dhe ndonëse iu betua për shpirt të babait Laertit se s’do i fliste më me gojë, pamë të gjithë se si i shpëtonin buzëqeshje të pakontrolluara sa drejtonte sytë drejt tij.
#3. Livia surprizohet nga babai
Në një lidhje me Skype, Livia foli për herë të parë pas 22 vitesh me babain e saj. Takimi ishte pa dyshim emocionues dhe babai i Livias u shpreh në mbështetje të plotë të vajzës së tij, si brenda, ashtu dhe jashtë asaj shtëpie.
#4. Eleminohet Klajdi
Jo se nuk e priste njeri. Gjithsesi, lajmi i mirë është se shtëpia e Klajdit përfundoi rikonstruktimin dhe mund të themi me bindje se Klajdi doli mjaft i fituar prej Big-ut të tij.
#5. Debati (më i bukur) Danja - G Bani
G Bani shprehu pëlqimin e hapur për Danjën. Megjithatë, duke e ditur se ajo është në një lidhje jashtë shtëpisë, e konsideroi vetem si një njeri të shëmtuar, në shpirt dhe fizik.
Nga ana tjetër, Danja me gjithë elegancën dhe kthjelltësinë e vet i rikujton se nëse ndihet keq për këtë situatë të saj, s’ka pse ta shprehë aq hapur duke e detyruar dhe atë që të shkëpusë marrëdhëniet.
Ndërkohë, çfarë luhet në mendjen e G Banit sa herë sheh Danjën fisnike:
#6. Dalin 5 veta në televotim
Përveç Gertës që është e përhershme në televotim, dalin për të martën gjithashtu dhe G Bani Loredana, Tiri dhe Indriti me shumicë nominimesh. Pyetja mbetet “Kë doni të shpëtoni?” dhe mezi presim që të eleminohet Indriti të martën. Se bëjmë shaka… Deri atëherë, takohemi në të tjera dinamika.
Copyright Anabel.al / Ndalohet ribotimi pa lejen e redaksisë.
