Lidhja e Zayn Malik dhe Louis Tomlinson është e mirë dhe ata nuk hezitojnë ta shprehin publikisht këtë gjë.
Tomlinson ishte i pranishëm në një koncert të Zayn Malik dhe këngëtari i "Pillowtalk" i bëri ish-anëtarit të tij të One Direction një përshëndetje të këndshme nga skena.
"Sot është një mbrëmje disi e veçantë. Një miku im i vjetër është këtu duke më mbështetur," i tha Malik audiencës dhe nga pamjet në rrjetet sociale, dallohet se Zayn shikon lart dhe shton, "Ai është ulur diku këtu. Nuk dua të jap vendndodhjen e tij, por Louis është këtu sonte."
Të pranishmit në fund vunë re Tomlinson, duke qëndruar në ballkon, duke vendosur dorën në zemër pas thirrjes së Malik. Sipas postimeve në rrjetet sociale nga fansat, muzikanti i "Dusk Till Daën" i kushtoi dy këngë në fund të setit të tij, "What I Am" dhe "Alienated", ish-anëtarit të One Direction, Tomlinson.
Sipas një postimi tjetër të fansave në internet, Malik dhe Tomlinson u larguan nga vendi së bashku pas shfaqjes.
Anëtarët e One Direction u shfaqën së bashku për herë të fundit publikisht (krahas Harry Styles dhe Niall Horan) në funeralin e Liam Payne, në nëntor, pas vdekjes së këngëtarit më 16 tetor në moshën 31-vjeçare.
Para gjithë këtyre ngjarjeve, është përfolur shpesh se djemtë nuk ruanin kontakte me njëri-tjetrin, veanërisht Malik i cili është shprehur në shumë intervista se periudha pas ndarjes, ishte shumë e vështirë për të.
Megjithatë, për gjithë fanset e zjarrta të One Direction, ndonëse nuk ka ndonjë sinjal për ribashkim të grupit ikonik, jemi të sigurt se do t'ju gëzojë lajmi se djemtë duket se kanë gjetur më në fund gjuhën e përbashkët.
Artikuj të sugjeruar:
Burimi: People
