Të gjithë kemi parë filma që na kanë bërë të qeshim, të ëndërrojmë dhe të emocionohemi... por pastaj janë ata filma që na lanë me trauma të pashlyeshme. Po flasim për ato skena që na bënë të fshiheshim pas jorganit dhe të pyesnim veten: “Pse më lanë prindërit ta shoh këtë?!”
Ja 13 filma që kanë tronditur fëmijërinë e shumë njerëzve. A je dakord me këtë listë?
1. Bambi (1942)
Në rregull, ky film duket i ëmbël… derisa ajo skenë ndodh. Po, e kemi fjalën për momentin kur nëna e Bambit vritet. Trauma kolektive e një brezi të tërë!
2. The Lion King (1994)
E gjithë bota e Disney-t duket një vend i sigurt, derisa sheh Mufasën të vritet nga vëllai i tij, Scar. Ne ende nuk e kemi marrë veten nga kjo!
3. Coraline (2009)
Një animacion për fëmijë që është më i frikshëm se shumica e filmave horror. Sytë prej kopse? Një nënë alternative që është më e keqe se çdo përbindësh? Jo, faleminderit.
4. The Witches (1990)
Një film me ‘gjoja’ magji dhe aventura, derisa Angelica Huston transformohet në një shtrigë të frikshme me fytyrë të deformuar. Dhe po, ideja e të shndërruarit në mi… nuk ishte aspak e lezetshme.
5. Watership Down (1978)
Një film për… lepuj? Shumë e pafajshme në dukje, por kushdo që e ka parë e di që ky është një festival i traumës me gjak, dhunë dhe skena të errëta emocionale.
6. Dumbo (1941)
Ndihesh keq për Dumbo-n gjatë gjithë filmit, por momenti kur ai ndahet nga nëna e tij… është një nga skenat më zemërthyese.
7. The NeverEnding Story (1984)
Një aventurë fantastike derisa… atë momentin tragjik e përjeton çdo fëmijë si një goditje emocionale. Po, e kemi fjalën për skenën kur kali i Atreyu-t, Artax, fundosej në “Moçalin e Trishtimit”.
8. Return to Oz (1985)
Mendon se është vazhdimi i ëmbël i “Magjistarit të Oz-it”? Gabim! Ky film është një makth i pastër me koka që lëvizin, spital psikiatrik dhe rrota në vend të duarve.
9. Pinocchio (1940)
Ato fëmijë që kthehen në gomarë dhe bërtasin për ndihmë? Absolutisht e tmerrshme! Ky film kishte si mesazh të mos gënjejmë, por na la me frikën ekzistenciale se mund të na shndërronin në kafshë.
10. Charlie and the Chocolate Factory (1971)
Nga fillimi në fund, ky film ishte një udhëtim i frikshëm. Umpa Lumpat? Fëmijët që zhduken një nga një? Skena e tunelit me imazhe haluçinante? Kush e mendoi që ky ishte një film për fëmijë?!
11. Gremlins (1984)
Një dhuratë e ëmbël për Krishtlindje që transformohet në një kaos total me përbindësha të tmerrshëm që bëjnë masakër në qytet. Askush nuk shikonte më lodrat njësoj pas këtij filmi.
12. E.T. the Extra-Terrestrial (1982)
Po, ishte prekës, por gjithashtu tepër i frikshëm për shumë fëmijë. Sidomos ajo skena kur E.T. sëmuret dhe duket si një mumje e shtrirë në spital… ajo na përndjek ende.
13. Matilda (1996)
Një film me mesazhe frymëzuese, por le të flasim për Miss Trunchbull-in dhe torturat e saj ndaj fëmijëve. Kush nuk ka frikë nga një drejtoreshë që të kap për flokësh dhe të hedh si një helikopter?
