
Futbollisti Alvaro Morata dhe gruaja e tij, Alice Campello, janë ribashkuar vetëm disa muaj pas ndarjes në gusht.
Fillimisht, ishte gazetari italian Alessandro Rosica që deklaroi se Alvaro dhe Alice janë sërish bashkë dhe la të kuptohet se konfirmimi do të vinte së shpejti përmes disa fotove në Instagram. Të dy ata postuan këtë foto, ku duken më të dashuruar se kurrë:

Në gusht të vitit 2024, sulmuesi i Milanit njoftoi se ai dhe influencuesja i dhanë fund martesës. Morata theksoi se ky ishte një nga vendimet më të vështira në jetën e tij. Të dy folën me respekt dhe dashuri për njëri-tjetrin.

Alvaro dhe Alice janë bashkë që nga viti 2016. Ata u martuan në vitin 2017 dhe një vit më pas u bënë për herë të parë prindër, pas lindjes së binjakëve Leonardo dhe Alessandro. Fëmija i tretë Edoardo erdhi në vitin 2020 dhe tre vite më vonë ata u bënë prindër për herë të katërt, pasi në jetë erdhi vajza e tyre, Bella.
