Djali që goditi për vdekje me thikë tre vajza të vogla në një klasë joge dhe kërcimi me tematikë “Taylor Swift” verën e kaluar në Southport, Angli, ka mësuar fatin e tij.
Axel Rudakubana, 18 vjeç, u dënua me burgim të përjetshëm me një minimum prej 52 vitesh, pasi pranoi rolin e tij në sulmin vdekjeprurës të korrikut 2024.

Të hënën, më 20 janar, Rudakubana, 18 vjeç, u deklarua fajtor në Gjykatën e Kurorës së Liverpool-it për vrasjen e një 6, 7 dhe 9-vjeçareje, më 29 korrik 2024, në një kurs kërcimi.

“Faji që ai zgjodhi të pranonte në ditën e parë të gjyqit, të paktën i kurseu familjeve dhe të gjithë atyre që prekeshin nga ky gjyq një dhimbje edhe më të madhe, për të cilin deri në atë moment kishin frikë se do të shtonte më tej pikëllimin dhe shqetësimin e tyre”, tha në një njoftim kryeinspektori Jason Pye.

Rudakubana, u deklarua fajtor për të 16 akuzat kundër tij, duke përfshirë vrasjen në tentativë dhe zotërimin e një thike, tha policia. Ai gjithashtu u deklarua fajtor për dy akuza të lidhura me terrorin, pasi u akuzua për zotërim të helmit ricin dhe për zotërim të një manuali trajnimi të Al-Kaedës (grup ekstremistësh islamë).

Pas sulmit, reagoi dhe Swift, e cila ndau një mesazh në Instagram, duke shkruar, "Tmerri i sulmit të djeshëm në Southport më ka ngarkuar shumë dhe unë jam plotësisht e traumatizuar. Nuk di si të shpreh ngushëllimet e mia për gjithë familjet që po kalojnë një traumë të tillë," përmbylli këngëtarja.

Rudakubana ishte 17 vjeç kur kreu goditjet me thikë, të cilat gjithashtu plagosën tetë fëmijë të tjerë dhe dy të rritur, përfshirë organizatoren e eventit dhe mësuesen e jogës.

Gjykatësi shtoi se "ai nuk do të lirohet kurrë dhe do të kalojë pjesën tjetër të jetës në paraburgim".

Burimi: People