Selena Gomez i ka kërkuar falje “njerëzve” të saj, pasi agjencia amerikane e emigracionit dhe doganave arrestoi rreth 1000 emigrantë meksikanë brenda një dite pas kthimit të Donald Trump në detyrë.
Ylli i popit postoi në Instagram një video, teksa reflektonte për arrestimet e fundit dhe shfaqej në lot. Gomez shprehu se "i vinte shumë keq" për lajmin dhe deklaroi se njerëzit e saj "po sulmoheshin".
Ajo vazhdoi duke thënë "Nuk e kuptoj. Më vjen shumë keq. Do të doja të mund të bëja diçka, por nuk mundem. Nuk di çfarë të bëj."
Pavarësisht dëshpërimit të saj, këngëtarja amerikano-meksikane premtoi se do të provonte "gjithçka" për të mbrojtur komunitetin e saj.
Selena më pas ka fshirë videon e reagimit të saj emocional, duke treguar se ajo mori urrejtje të paqartë prej saj.
"Me sa duket nuk është në rregull të tregosh ndjeshmëri për njerëzit," shkroi ajo në një tjetër story.
Reagimi i Selenës vjen pasi ICE (agjenci amerikane që zbaton ligjet federale që rregullojnë kontrollin kufitar, doganat, tregtinë dhe imigracionin) konfirmoi se oficerët arrestuan 956 persona të dielën në Chicago, Miami dhe Newark.
Trump ka nënshkruar disa urdhra ekzekutivë në lidhje me emigracionin që nga marrja e detyrës javën e kaluar, duke përmbushur premtimin e tij të fushatës për të zbuar individët pa dokumente, duke ekzekutuar kështu dëbime masive.
Burimi: TMZ
Artikuj të sugjeruar:
