Chris Brown ka paditur kompaninë Warner Bros duke kërkuar dëmshpërblim 500 milionë dollarë, me pretendimin se ai ishte etiketuar si përdhunues dhe abuzues serial në dokumentarin “Investigation Discovery, Chris Brown: A History of Violence”.
Brown, nëpërmjet avokatëve të tij, ngriti padi të martën, më 21 janar. Në dokumentet e gjykatës, të marra nga People, padia përmend pjesë të dokumentarit, ku shfaqen shumë gra që detajojnë përvojat e tyre të supozuara me Brown.
Brown po padit po ashtu edhe producentët e dokumentarit për shpifje dhe shqetësim emocional përmes pretendimeve të bëra në dokumentar.
Pretendimet e Brown dhe dokumentarit
Një akuzuese, e identifikuar si Jane Doe, pretendon se Brown e përdhunoi në vitin 2020. Ky rast ka të bëjë me mediat që vendosin fitimet e tyre mbi të vërtetën," pretendohet në padi, duke shtuar se media e transmetoi dokumentarin "duke e ditur se ishte plot gënjeshtra dhe mashtrime, si dhe duke shkelur parimet gazetareske".
Dokumenti pretendon se gruaja e identifikuar si Doe ishte "diskredituar" më parë si një "person i dhunshëm nga partneri i saj". Në padi thuhet se Brown nuk ka qenë ndonjëherë i dënuar për ndonjë krim seksual, megjithatë, seriali e përshkruan atë si një "përdhunues serial" dhe "abuzues seksual".
Avokatët e Brown thonë se ai ka punuar shumë për të "rregulluar" reputacionin e tij gjatë dekadës së fundit. Në vitin 2009, ai u akuzua për dy vepra penale – sulm dhe kërcënim – pasi dhunoi të dashurën e tij asokohe, Rihanna. Ai u deklarua fajtor më 22 qershor 2009 dhe pranoi një marrëveshje për pranimin e fajësisë, për punë në komunitet, pesë vjet shërbim prove dhe këshillim për dhunën në familje.
“Z. Brown është rritur nga ato përvoja dhe evolucioni i tij flet vetë”, vazhdon padia. "Ky prodhim i ri e injoron ndryshimin e tij, duke zgjedhur të shfaqë akuzat banale dhe duke i përforcuar ato me falsifikime të dukshme."
Deklarata më pas i drejtohet Doe, e cila sipas ankesës fillimisht e paditi Brown në janar 2022, duke pretenduar se ai e kishte sulmuar seksualisht atë në jahtin e Sean "Diddy" Combs në Miami. Çështja u hodh poshtë në gusht 2022 pasi një oficer i policisë zbuloi mesazhe me tekst të dërguara nga Doe "që ekspozonin gënjeshtrën e saj", pretendon Brown.
Chris Brown pretendon se dokumentari ka dëmtuar karrierën e tij dhe mundësitë për të bërë biznes.
Artikuj të sugjeruar:
