Nuk duhen shumë rroba për të krijuar shumë veshje praktike dhe elegante në përditshmëri. Kjo është edhe ideja e garderobës kapsulë, pra krijimi i një gardërobe me disa pjesë që kombinohen me njëra-tjetrën, duke na e bërë përditshmërinë më të lehtë.

I njëjti rregull duhet të ndiqet edhe sa i përket veshjeve dimërore, ku me vetëm 6 pjesë mund të krijojmë shumë kombinime. Disa pulovra të thjeshta, një palë pantallona të rehatshme dhe të ngrohta, si dhe një pallto duhet të jenë me patjetër pjesë e garderobës suaj dimërore.

Gjashtë veshje që nuk duhet t’i mungojnë garderobës dimërore:

Golf

Bëjeni pjesë të përditshmërisë tuaj. Një golf i bukur me material të butë do të sigurojë një bazë të ngrohtë dhe një element elegant në veshjen tuaj.

Triko me ngjyra

Nëse ka një element që mund të transformojë komplet garderobën tuaj dimërore këtë sezon, është një pulovër me ngjyra të ndezura. Pulovrat me nuanca të ndezura janë një “prekje” shumë e nevojshme në ditët gri të dimrit.

Pantallona elegante dhe të rehatshme

Pantallonat janë ende një zgjedhje e shkëlqyer për muajt e dimrit pasi kombinohen mirë me çizmet dhe pulovrat. Sidoqoftë, ne rekomandojmë pantallona me material të ngrohtë.

Një fustan i thurur

Një fustan elegant është një element kryesor në çdo gardërobë kapsule.

Pulovër në tone neutrale

Trikotazhet në nuance bezhë, gri dhe blu janë “heronjtë” e garderobës dimërore, veçanërisht kur ato janë të punuara me materiale cilësore dhe me detaje të shtuara.

Pallto ‘oversize’

Nuk ka asgjë më të mirë (ose më funksionale) sesa palltot e mëdha. Garderoba e dimrit ka të bëjë me strategjinë e shtresimit, kështu që palltot e mëdha janë ideale. Nga kostumet serioze tek ato sportive, kjo pallto do të kompletojë me lehtësi çdo pamje.

Artikuj të sugjeruar: