Sytë e të gjithë botës ishin drejt SHBA-ve ditën e djeshme, ku Donald Trump u betua si presidenti i 47-të amerikan. Ndonëse Trump bëri deklarata të forta, duket se vëmendjen e “rrëmbeu” bashkëshortja e tij, Melania Trump.
Zonja e Parë e SHBA-ve u shfaq serioze dhe elegante, ku veshja e saj ishte kuruar në cilindo detaj. Fillimisht, ishte kapelja që thuajse i mbulonte të gjithë portretin ajo që ra më së shumti në sy, teksa veshjen e kishte shoqëruar me një pallto të gjatë dhe taka të larta.
Kapelja u krijua nga Eric Javits, i cili tha për ABC News se ishte “shumë i nderuar dhe i prekur nga e gjithë përvoja”.
“Kur po krijoja kapelën në duart e mia, ishte një kapelë e thjeshtë. Ishte e nënvlerësuar, ishte klasike”, tha Javits. “Kur e pashë në kokën e saj, ajo me të vërtetë u transformua. Përvoja u bë shumë e fuqishme, sepse gjithçka funksionoi së bashku. Dhe sigurisht, ju e dini që kjo flet për hirin dhe prezencën e saj. Ndikimi vizual është shumë i fortë dhe ndihem shumë mirënjohës që jam përzgjedhur për ta krijuar”, tha Javtis.
Por, poshtë palltos elegante “fshihej” fustani magjepsës i Melania Trump, e cila e njohur për stilin e saj, na mahniti edhe këtë herë.
Veshja mban “vulën” e dizajnerit amerikan Adam Lippes, i cili tha se është krijuar nga mjeshtrit më të mirë të Amerikës.
“Tradita e inaugurimit presidencial mishëron bukurinë e demokracisë amerikane dhe sot patëm nderin të vishnim Zonjën tonë të Parë, zonjën Melania Trump. Veshja e zonjës Trump u krijua nga disa nga mjeshtrit më të mirë të Amerikës dhe unë ndihem shumë krenar që të tregojë në art të tillë për botën”, tha Lippes në një deklaratë për shtyp.
Artikuj të sugjeruar:
