Israel-Hamas: Armëpushimi nis pas një vonese tre-orëshe
Një armëpushim i shumëpritur në Gaza nisi pas një vonese prej tre orësh, pasi Hamas njoftoi emrat e tri pengjeve gra që planifikon të lirojë më vonë gjatë ditës. Izraeli kishte premtuar të vijonte sulmet deri në marrjen e emrave, ndërsa procesi për t’i dhënë fund luftës filloi me vështirësi.
Festime shpërthyen në të gjithë territorin e shkatërruar dhe disa palestinezë nisën të kthehen në shtëpitë e tyre, pavarësisht vonesës që tregoi brishtësinë e marrëveshjes. Armëpushimi, që nisi në 11:15 sipas kohës lokale, është një hap i parë drejt përfundimit të konfliktit dhe kthimit të pothuajse 100 pengjeve të rrëmbyer në sulmin e Hamas më 7 tetor 2023.
Trump mbërrin në DC, inaugurimi planifikohet brenda për shkak të të ftohtit
Presidenti i zgjedhur Donald Trump mbërriti në Washington DC për të festuar me familjen, mbështetësit dhe aleatët politikë para inaugurimit të tij të dytë të hënën. Festimet nisën të shtunën me një shfaqje fishekzjarrësh në “Trump National Golf Club” në Virginia, rreth 48 km larg Washington-it.
Organizatorët po planifikojnë zhvendosjen e eventeve jashtë në ambiente të mbyllura për shkak të temperaturave të ulëta, duke e bërë atë ditën e inaugurimit më të ftohtë në 40 vite. Edhe betimi tradicional në shkallët e Kapitolit do të zhvillohet brenda. Kjo është hera e parë që nga inaugurimi i Presidentit Reagan në 1985 që ceremonia do të zhvillohet në ambiente të mbyllura. “Ishte vendimi i duhur. Do të jemi më të rehatshëm tani,” tha Trump për NBC News.
Sulm me thikë në Tel Aviv, një i plagosur rëndë
Një person u plagos rëndë në një sulm me thikë në qendër të Tel Aviv-it të shtunën, njoftoi policia izraelite. Kalimtarët qëlluan sulmuesin, i cili ndodhet në gjendje kritike, sipas Magen David Adom, shërbimi i urgjencës në Izrael.
Policia beson se sulmi ishte një akt terrorist. Gjatë 15 muajve të fundit të luftës Israel-Hamas, janë raportuar sulme të shumta me armë, thikë dhe makina në Izrael dhe në West Bank. Izraeli ka zhvilluar sulme të shpeshta ushtarake gjatë natës, duke shkaktuar shpesh përplasje me militantët.
Dy gjyqtarë të lidhur me ekzekutimet e 1988-ës qëllohen për vdekje në Iran
Dy gjyqtarë të njohur iranianë u qëlluan për vdekje në Teheran të shtunën. Të dy, Mohammad Mogheiseh dhe Ali Razini, thuhet se kishin marrë pjesë në ekzekutimet masive të të burgosurve politikë në 1988.
Asnjë grup nuk mori përgjegjësinë për vrasjet, por përfshirja e Razini në ekzekutimet e 1988 e kishte bërë atë objektiv edhe më parë, përfshirë një tentativë për vrasje në 1999.
Sulmi vjen ndërsa Irani përballet me krizë ekonomike, tensione rajonale dhe kthimin e Donald Trump në Shtëpinë e Bardhë. Të dy gjyqtarët ishin pjesë e Gjykatës Supreme të Iranit. Një roje sigurie u plagos gjatë sulmit në Palace of Justice në Teheran, që zakonisht ka masa të rrepta sigurie.