Telenovela Egli-Xumi-Redoni dhe së fundmi Gjesti vijon të ketë dinamika të papritura. Ndonëse duket se loja lind dhe zhvillohet brenda, këtë herë lëvizja e radhës ishte nga jashtë shtëpisë dhe bëhet fjalë pikërisht për Redonin.

Duket sikur Egli ka përsëritur vetveten, ku të njëjtat fjalë që i tha Redonit, tanimë po ia thotë Gjestit. Teksa bisedonte në oborrin e shtëpisë me këtë të fundit, ajo i tha se e konsideronte si një vëllaçko të vogël, për të cilin edhe do kujdesej.

Kjo fjali nuk ka kaluar pa marrë vëmendjen e Redonit, i cili zgjodhi të komentonte: “Gjest, I feel you bro!”.

Thënë ndryshe: Gjest, jam ndjerë po njësoj, e kam kaluar këtë situatë që ti po kalon.

Komenti ka marrë më shumë se 3 mijë pëlqime, teksa shumë njerëz kanë qeshur me të.

Dhe teksa ngjarja zhvillohej jashtë, Egli u shfaq me disa prej banorëve duke qartësuar njëherë e mirë situatën e krijuar.

“Nëse e keni menduar, nuk është, nuk ekziston (një pëlqim). Është thjesht një vlerësim, por jo ajo që është perceptuar, mënyra si e sjell gjënë te të tjerët”, tha ajo.

Po ashtu, Egli shtoi se këtë ‘verdikt’ e ka nxjerrë Gjesti, pra i ka konfirmuar se e vlerëson, por nuk ka pëlqim për të.

Epo…"nuk plasën çokollatat" mes Gjestit dhe Eglit, ndaj me këto zhvillime mbetet të shohim se cila do të jetë lëvizja e Xumit.

Artikuj të sugjeruar: