Nëntë muaj pasi Blake Lively ngriti një padi kundër Justin Baldonit për shpifje dhe ngacmim seksual, aktori dhe regjisori po përgjigjet me një tjetër padi, duke kërkuar 400 milionë dollarë dëmshpërblim.

Padia, e depozituar të enjten, 16 janar, në Gjykatën e Qarkut Jugor të Nju Jorkut nga avokatët e Baldonit, përfshin gjithashtu Blake Lively dhe përfaqësuesin e marrëdhënieve publike të bashkëshortit të saj Ryan Reynolds, Leslie Sloan dhe kompaninë e saj “Vision PR, Inc”.

Justin Baldoni i ka paditur Lively-Reynolds dhe avokatin e tyre për shpifje dhe shkelje të marrëveshjes së nënkuptuar të mirëbesimit.

“Kjo padi bazohet në një grup dërrmues provash që dokumentojnë përpjekjen e Blake Lively dhe ekipit të saj për të shkatërruar Justin Baldonin, ekipin e tij dhe kompanitë e tyre duke përhapur informacione të pabazuara në media. Ne do të ofrojmë të gjitha mesazhet, emailet, videot dhe provat e tjera të shkëmbyera ndërmjet të përfshirëve. Blake Lively ose u mashtrua nga ekipi i saj, ose me qëllim dhe me vetëdije shtrembëroi të vërtetën.

Të mos harrojmë se znj. Lively dhe ekipi i saj u përpoqën të shkatërronin jetë për arsye egoiste, përmes manipulimeve të rrezikshme mediatike, para se të merrej ndonjë veprim ligjor. Ne e dimë të vërtetën, dhe tani e di edhe publiku. Justin dhe ekipi i tij nuk kanë asgjë për të fshehur, dokumentet nuk gënjejnë”, thuhet në padinë e ngritur nga avokati i Baldonit, Bryan Friedman.

Mesazhet me Blake Lively dhe “dragoi” Taylor Swift

Kjo sagë ligjore ka nxjerrë në pah edhe emrin e yllit të muzikës, Taylor Swift.        Padia e Baldoni përfshin mesazhe me tekst midis Lively dhe Baldonit, në të cilat Lively duket se i referohet Swift-it si "një nga dragonjtë e saj", ndërsa e krahason veten me nënën e dragonjve të “Game of Thrones”, Khaleesi.

Swift nuk përmendet si e pandehur dhe as nuk përmendet me emrin e plotë në dosje përtej referencës së "Taylor" në një mesazh me tekst që Baldoni i dërgoi Lively. Megjithatë, ajo përmendet disa herë kur diskutohet për një tekst që Blake Lively e ka rishikuar në lidhje me filmin që ajo luajti me Justin Baldonin, “It Ends With Us”.

Ndryshimi i skenarit dhe pretendimet për kërcënime indirekte

Sipas padisë, Lively dyshohet se kërkoi të ndryshonte skenën vendimtare të filmit, ku personazhi i saj, Lily Bloom takohet me Ryle Kincaid, të luajtur nga Baldoni. Aktori pretendon se në një moment Lively e ftoi atë në apartamentin e saj në Nju Jork, ku u përshëndet nga bashkëshorti i Lively, Ryan Reynolds, i cili "filloi të lavdëronte me entuziazëm" vizionin e gruas së tij.

Më pas ai shkruan në padi se “orë më vonë, ndërsa takimi po mbyllej, një mik i famshëm dhe shumë i ngushtë i Reynolds dhe Lively, hyri në dhomë dhe në mënyrë të ngjashme filloi të lavdëronte skenarin e Lively-t. Baldoni mori sinjalin: ai duhej të pajtohej me versionin e Lively për skenarin."

Përmendja e Taylor Swift nga aktorja

Sipas padisë, aktorja i referohet Reynolds dhe një personi tjetër, ndoshta Taylor Swift, si "titanë absolut të shkrimit, unë jam kaq me fat që i kam si barometra krijues".

Më pas Lively e mbyll përgjigjen e saj të gjatë në një mesazh, duke e krahasuar veten me personazhin e Emilia Clarke në “Game of Thrones”, duke shkruar: 

“Nëse ndonjëherë arrin të shikosh Game of Thrones, do të kuptosh se unë dukem si Khaleesi, dhe si ajo, ndodh që të kem dragonj. Mirë apo keq, por zakonisht mirë. Sepse dragonjtë e mi më mbrojnë mua dhe ata për të cilët luftoj. Pra, ne të gjithë përfitojmë vërtet nga këto përbindëshat e mia të bukur. Do të përfitoni gjithashtu, ju premtoj.”

Padia pretendon se ky mesazh “nuk mund të ishte më i qartë. Baldoni nuk kishte të bënte me Lively. Ai gjithashtu duhej të merrej me 'dragonjtë' e Lively-t, dy nga personazhet e famshëm më me ndikim dhe më të pasur në botë, të cilët nuk kishin frikë t'i bënin gjërat shumë të vështira për të."

Artikuj të sugjeruar: