Tendencat e grimit, sidomos ato që na pushtojnë ‘for your page’ në TikTok, le të themi se na joshin dhe po, duam t’i provojmë dhe të shkëlqejmë. Në një botë ku industria e produkteve kozmetike lëviz me rritje super të shpejta, është paksa e vështirë të gjesh një hapësirë ku të blesh produkte cilësore, të krijuara me kujdes të veçantë dhe duke pasur parasysh të gjitha kërkesat e gocave.
 
Si përherë, në Anabel vijmë me një zgjidhje, ndaj ja ku jam, duke ju sugjeruar Keisi Cosmetics, marka që i prodhon produktet në Kanada! Më besoni, do më falenderoni mua që po jua rekomandoj dhe veten që e lexuat këtë artikull.

 
Prej 4 vitesh, Keisi Cosmetics operon në treg, duke sjellë produkte fantastike që të kompletoni të gjithë çantën tuaj të grimit. Domethënë, kur themi se ka menduar për gjithçka, nuk e ekzagjërojmë! Mjafton t’i hidhni një sy website-s dhe të shihni të gjitha kategoritë.
 
Koncepti i Keisi Cosmetic e tejkalon thjesht të bukurën në pamje të parë, duke synuar të dhurojë vetëbesim dhe të nxisë dashurinë ndaj vetes. Të grimohesh është shumë më tepër se një praktikë. Në fakt, është një ritual që do të thotë të duash veten, të kujdesesh për të, të ndihesh e bukur dhe të zgjedhësh alternativat më të mira. Keisi Pengili, themeluesja e markës, prej kohësh ka punuar për të sjellë cilësi dhe risi në produktet e saj, ndaj Keisi Cosmetics sjell vetëm krijime të standardeve më të larta, të cilat i përshtaten çdo tipologjie lëkure, janë pa paraben dhe non-comedogenic (nuk përmbajnë elemente që bllokojnë poret).

 
Duke nisur që nga kujdesi për buzët, Keisi Cosmetics ofron larmi scrub-esh, lapsa për të definuar buzët, lip plumps, që buzët të duken më të mëdha dhe të shkëlqejnë! Për të mos folur për buzëkuqët! Ka kaq shumë ngjyra dhe kaq shumë opsione. Praktikisht, do hyni në website dhe do të kaloni ca orë të mira duke zgjedhur produktet që ju pëlqejnë më shumë.  

Spoiler: Është më e vështirë se sa sfidat e “Squid Game”.

 
Kërkimi për eye shadow-n perfekt mbaroi! Personalisht, e adhuroj paletën “Rose”, pasi ka ngjyrat bazë që unë përdor çdo ditë dhe shumë pigment. Nëse më shihni duke shkëlqyer, mos mendoni se kam rënë në dashuri, thjesht kam përdorur paletën “Rose”. Por, një risi që sjell Keisi Cosmetics është se ju mund ta krijoni vetë paletën tuaj, me ngjyrat që dëshironi. Po ta mendoni, është shumë domethënës fakti që një markë ju ofron mundësinë të personalizoni paletën që doni.

 
Keisi ka menduar edhe për fondatinën e përsosur për lëkurën tuaj, ndaj ka krijuar një mori zgjedhjesh për të gjetur shade-n që ju përshtatet. Sigurisht, nuk mund të mungojë primer-i, korrektori dhe konturi që ju presin t’i testoni.
 
Nëse ju kaloi në mend se nuk ka produkte për mollëzat dhe për vetullat, më lejoni t’ju them se u nxituat! Highlighters plot shkëlqim, blush-e që ju bëjnë të dukeni sikur dielli ju ka puthur me shumë dashuri.

Një sugjerim? Duhet ta provoni patjetër blush-in viral “Petite Rouge” që po i çmend gocat. Mos u gënjeni nga emri. Është i vockël, por jetëgjatë. “Petite Rouge” jo më kot është bërë viral, pasi ka pigment, qëndron gjatë në lëkurë dhe duket kaq cute. Nëse po mendoni ta bëni dhuratë, do qëlloni në shenjë.

 
S’kanë si të mungojnë edhe lapsa e xhelë që i bëjnë vetullat të japin idenë sapo keni dalë nga salloni i bukurisë, pasi janë krijuar me kujdes të veçantë nga Keisi Cosmetics.

 
Do të doja ta mbaja sekret një prej parfumeve të mi të preferuar, por ju e dini që ‘girls don’t gatekeep’, ndaj ja ku e keni! Përpara jush “L’Âme de Mon Âme”, një parfum që buron nga shpirti, për të transmetuar elegancën, klasin dhe një fragrancë unike, që do t’ju sjellë shumë komplimente.

 
Pra, që nga produktet e deri tek aroma autentike, tanimë keni një hapësirë ku mund të blini gjithçka ju duhet! Mos harroni! Bukuria lidhet me ndjesinë, vetëbesimin dhe dashurinë ndaj vetes. Çka ndihet brenda, më pas, reflektohet edhe në pamjen e jashtme.

- Artikull promovues.