Drama, lot dhe shumë debate. Nëse keni humbur diçka nga spektakli i fundit, hidhini një sy përmbledhjes që kemi përgatitur më poshtë!
Banorët s’kanë puls për Gjestin
Gjesti hyn dhe trazoi gjithë shtëpinë e “Big Brother”. Një pjesë e banorëve menduan se ai do të largohej të shtunën, por jo! Gjesti ka hyrë për të qëndruar. Në momentin që u dhanë klipet, gjakrat ishin qetësuar. Po kush i reziston buzëqeshjes së Gjestit lë gjest!
Gjesti u përplas kryesisht me Laertin, i cili përdori “7 mallkimet e Zotit” ndaj tij (e kuptojmë, gjumi është i shenjtë!). Ndërkohë, Gertit kjo përplasje i kujtoi vëllain e tij. Nejse, deri në momentin që u dhanë klipet banorët ishin qetësuar.
Romantikët e shekullit në garë për një çmim: Valbonën!
Situata mes Laertit, G Banit dhe Valbonës po bëhet gjithnjë e më dramatike. G Banit *sesi ia bën zemra kur Laerti i afrohet* (Valbonës). Nga ky inat i akumuluar, përplaset me Laertin kur ai shkon në drejtimin e tij edhe pse ky i fundit thotë se thjesht po dilte për një cigare. Me gjithë inatin e akumuluar, G Banit nuk i mbajtën nervat dhe iu “sul” Laertit.
Në klipet e transmetuara, Valbona duket gjithmonë duke ndërhyrë për të ndarë dy çunat që zihen për të. Por, gjatë një përplasjeje, G Banit i rrëshqet dora dhe pa dashje e shtyn Valbonën. Ai është penduar shumë për këtë moment.
Në vazhdim, Valbona kërcënon me largim nga shtëpia. Këto situata nuk e çuditën aspak Valbonën se ishte mesuar që i kërkonin dorën tek mami në lagje.
“T’kam dit shoqe t’mir, Danja, mos më dil përpara”
Konflikti Valbona-Danja shpërtheu në “Prime”. Valbona e akuzoi Danjën se i kishte thënë të qëndronte larg dy çunave që ishin në “dyluftim” për të, ndërkohë që Danja vetë kishte flirtuar me Laertin. Çdo gjë u mohua dhe Laerti tregoi romantikun e vërtetë që ështu duke treguar se flirtonte njësoj me të gjitha.
Laerti tha hapur: “Nuk kam flirtuar me Valbonën” dhe fytyra e zhgënjyer e Valbonës foli vetë!
Ledioni ndez gjakrat: “A mendon ti, Valbona, se Danja ka një pëlqim për Laertin?”
Valbona (shyqyr e di çfarë është ironia) me ironi, thotë: “Po, unë jam bërë xheloze!”
Në këtë pikë, trekëndëshi Valbona-Laerti-G Bani kthehet në katërkëndësh, ku përfshihet edhe Danja. Të gjithë dorëzohen dhe Valbona përfundon pa shoqe, pa flirtimet e Laertit dhe pa dashurinë e G Banit.
Xhibo dorëzohet: “I give up!”
Pas gjithë kësaj drame, G Bani deklaroi: “Tani jam i lirë nga Valbona!” Por kur edhe Xhibo, i famshmi i shtëpisë, dorëzohet, nuk mbetet shumë shpresë për të tjerët.
Zarf i zi për G Banin
Lideri i javës, G Banit, hapi zarfin e zi dhe mësoi se i ishte hequr e drejta për të nominuar. Reagimi i tij?
“Jo vetëm që më pushkatuan, por më vunë të vras edhe veten!”
Me sa duket, sjelljet e tij të tepruara (përfshirë edhe prekjet e papërshtatshme) e çuan në këtë dënim.
“Paj Zotin, o Xumi!”
Ndërkohë, Egli flet për situatën me Xumin (më e revoltuar se kurrë) dhe tregon se, pavarësisht mirëkuptimit të saj, ajo është revoltuar nga fakti që Xumi flet në emër të saj. Ajo tregoi se kishte ndërtuar disa “limite” për ta mbrojtur veten nga ngacmimet e tij. Ledioni e dërgon në një dhomë tjetër për t’u qetësuar.
Ledioni tenton të bëhet kupid: “Xumi, çoje mëngjesin në shtrat për Eglin!”
Në fund, Egli shpërthen në lot nga malli për mamanë e saj. Një telefonatë nuk mjaftoi, ndaj surpriza u bë edhe më e madhe: mamaja e saj hyri në shtëpi (për ta takuar ee, jo si banore)!
E ndërsa të gjithë emocionoheshin nga takimi i saj me mamanë, Valbona bëri atë që di më mirë: kërkoi edhe ajo një telefonatë me të ëmën!
Zarfi me të eliminuarin e parë: Petro
Petro, banori i parë i eliminuar. Me shumë mundësi nuk e keni parë shpesh në shtëpi, sepse… nuk u bë pjesë e asnjë debati! S’po e zgjasim shumë, se as ai nuk e zgjati në shtëpi.
Amber vs Bernard
Amber dhe Bernard, të dy pjesë e komunitetit LGBTQ+, hynë në një debat të gjatë.
Bernardi ndjente se Amber duhet ta mbështeste më shumë, duke qenë se vijnë nga i njëjti komunitet. Bernardi shprehet se Amber ndihet e kërcënuar nga prania e dy personave të komunitetit. Ai tha se ndihej i bullizuar dhe priste mbështetjen e Amberit. Por Amber e bëri të qartë: “Unë kam hyrë këtu si Amber, jo për të përfaqësuar komunitetin!”
Amber shtoi se Bernardi po e sulmonte personalisht dhe se ajo nuk do ta përdorte identitetin e saj për viktimizim. Në këtë pikë, të gjithë mbetën të habitur nga qëndrimi i saj i fortë.
Amber vs Rozana: Aty ku nisi gjithçka
Pas debatit me Bernardin, Amber pati një përplasje të vogël edhe me Rozanën.
Rozana i tha se ajo ishte e vetmja që e kishte pyetur për udhëtimin e saj të transformimit. Por Amber tha se nuk donte të fliste për të kaluarën dhe se nuk ishte këtu për këtë çështje.
Gjatë diskutimit të këtij debati ndërhyn Rozana, e cila i kujton Amberit se ajo është e vetmja që e ka pyetur për procesin e saj të ndryshimit gjinor dhe ka treguar interes për këtë udhëtim. “Unë kam qenë e vetmja që të kam dëgjuar për këtë temë,” i thotë Rozana.
Amber kundërshton dhe thotë se “nuk ka dëgjuar ndonjë gjë të thellë për këtë temë, përveç disa detajeve për operacionet që ka kryer.”
Rozana ngul këmbë se ajo ka qenë gjithmonë e pranishme për ta dëgjuar dhe e akuzon Amberin se ditët e fundit po i kthehet shumë keq.
Eleminimi i dytë: Gramosi
Gramosi është banori i dytë i eliminuar. Gjestit nuk i mbajti e qeshura kur doli emri i tij. Gramosi pranoi se, në një moment, filloi të kishte frikë nga shtëpia dhe nga banorët.
Dy të preferuarat e publikut: Amber dhe Rozana
Pas eleminimit të Gramosit, Amber dhe Rozana u shpallën dy të preferuarat e publikut.
Nominimet e javës
Banorët që i bashkohen Gertës në nominim janë:
• Valbona
• Bernard
• Xumi
• Livia
• Klajdi
Copyright Anabel.al / Ndalohet ribotimi pa lejen e redaksisë.
