Të qëndrosh në hap me trendet e rrjeteve sociale është një sfidë më vete, por duket se nuk kalon asnjë ditë pa një teori të re që merr vëmendje. E fundit që po bën xhiron e TikTok-ut? “Blue nail theory” - apo përkthyer në shqip, teoria e thonjve blu.

Kjo teori ka pushtuar kërkimet në Google gjatë vitit 2024 dhe duket se nuk është shumë larg të famshmes “red nail theory” (teoria e thonjve të kuq). Siç sugjeron emri, ngjyra që zgjedh për thonjtë mund të japë mesazhe për statusin tënd romantik. Po, saktësisht ashtu siç dëgjuat!

Çfarë është “blue nail theory”?

Sipas teorisë së thonjve blu, nëse e pyet partnerin tënd se me çfarë ngjyre duhet t’i lyesh thonjtë, ka shumë mundësi që përgjigjja të jetë… blu. Eksperimentin e kanë provuar shumë vajza në TikTok, të cilat kanë regjistruar reagimet e partnerëve të tyre.

Pavarësisht nëse teoria ka nisur si një rastësi, ajo është kthyer në një trend të fuqishëm në rrjete sociale. Vajzat lyejnë thonjtë blu për të simbolizuar që janë “off the market” - ose thënë më shqip, që janë të zëna. Nuk është hera e parë që dëgjojmë për teorinë e thonjve blu, sepse ky trend ishte shumë i përhapur edhe vitin e kaluar. Tani kemi një pyetje të rëndësishme…

Pse pikërisht blu?

Artistja e thonjve, Mi Nguyen, thotë se ngjyra e kaltër e thonjve mund të simbolizojë stabilitet dhe qetësi emocionale. “Nuk është më një ngjyrë e guximshme apo e çuditshme si dikur. Në fakt, bluja është kthyer në një zgjedhje shumë elegante dhe klasike,” shpjegon ajo.

Një tjetër arsye për rritjen e popullaritetit të thonjve blu është trendi i famshëm “blueberry-milk nails”, i përhapur nga Sofia Richie dhe influencuese të tjera. “Ngjyrat e buta të blusë po sjellin një qasje të re: janë delikate, chic dhe shumë të përshtatshme për çdo stinë,” thotë Nguyen.

Pra, nëse dëshiron të dërgosh mesazhe të koduara për statusin tënd apo thjesht të provosh një trend të ri, nuk ke pse mendon gjatë. Thjesht zgjidh një nuancë të kaltër të ëmbël dhe lëre “blue nail theory” të flasë për ty!

Artikuj të sugjeruar: