Pas një vere të suksesshme, duket se Sabrina Carpenter është në rrugën e saj për t’u bërë një ikonë e pop-it duke punuar në projekte të reja muzikore dhe bashkëpunime me artistë të ndryshëm. Por, gjatë pjesëmarrjes së saj saj në MTV VMA të vitit 2024, ajo bëri diferencën për stilin vintage dhe fustanin gati identik me atë që Madonna veshi në ceremoninë e Oscars në vitin 1991.
Fustani i bardhë i qëndisur me rruaza dhe gurë plot shkëlqim, me detaje argjendi në pjesën e dekoltesë, ishin zgjedhja e Sabrina-s për këtë event të rëndësishëm muzikor, shoqëruar me bizhuteri diamanti.
Flokët bionde dhe me onde të mëdha, të ngjashme me ato të Madonna-s, rikrijuan një prej stileve më ikonike të artistes, por edhe me aktoren e ndjerë, Marilyn Monroe.
Në vitin 1991, Madonna e kombinoi fustanin me doreza të bardha, një shall pellushi dhe bizhuteri diamanti.
Këngëtarja, e cila publikoi albumin e saj “Short n' Sweet” muajin e kaluar, performoi në skenën e MTV VMA 2024, ndërsa është e nominuar për gjashtë çmime, por fitoi vetëm çmimin për kategorinë e këngës së vitit për hitin “Espresso”.
Mikesha e saj, njëherësh edhe mentorja e Carpenter, Taylor Swift, kryesoi listën me 10 nominime, ndërsa kur foli në një intervistë për “Variety”, Sabrina tregoi për raportin e veçantë me Swift, duke e quajtur superyllin si një “nga shoqet e saj më të mira”.
Artikuj të sugjeruar:
Burimi: Instyle
