Një ndryshim i madh do të vijë gjatë janarit në “Instagram” dhe platformat e mediave sociale. Nga data 14 janar, aplikacioni i njohur do të heqë filtrat e bukurisë.

Saktësisht, “Meta Sparks”, platforma që përdorej për të krijuar filtrat e bukurisë në “Instagram”, do të mbyllet.

“Meta Spark”, e themeluar në vitin 2017, ishte krijuar për t’u ofruar përdoruesve një platformë për përdorimin efekteve të ndryshme, siç janë filtrat popullore që ka mundësi të keni parë në ‘feed’-in tuaj.

Pavarësisht nëse po zbukuroni një ‘selfie’ ose përdorni një filtër viral që duket se po provohet nga të gjithë, mundësitë janë që ai është krijuar përmes “Meta Spark”.

Megjithatë, nga data 14 janar, kjo platformë do të mbyllet.

Deklarata e kompanisë

“Pasi kemi bërë një vlerësim të thelluar, kemi vendosur të mbyllim platformën e mjeteve dhe përmbajtjeve të palëve të treta të Meta Spark, me efekt nga e marta, 14 janar 2025”, njoftoi kompania.

“Jemi thellësisht mirënjohës ndaj komunitetit të krijuesve, bizneseve dhe palëve të tjera të interesuara që morën pjesë në udhëtimin e Meta Spark”, vazhdon deklarata.

Po ashtu, në deklaratë theksohet se askush nuk e besonte se përdorimi i filtrave do të kthehej në një “varësi”.

“Kur e lançuam për herë të parë këtë platformë shtatë vjet më parë, përdorimi i filtrave ishte diçka krejtësisht e panjohur për shumicën e konsumatorëve. Që atëherë, imagjinata, inovacioni dhe kreativiteti i komunitetit të krijuesve AR ka ndihmuar në zgjerimin e përhapjes së filtrave në qindra miliona njerëz në të gjitha platformat e Meta.”

Rezervat për marrjen e këtij vendimi

Pavarësisht se ky vendim është një hap i rëndësishëm, disa janë skeptikë sepse “Meta” ka tërhequr vendime të ngjashme për fshirjen e filtrave në të kaluarën. Në vitin 2019, kompania njoftoi planet për të hequr “të gjitha efektet që lidhen me kirurgjinë plastike nga galeria e efekteve të Instagram” dhe për të shtyrë “miratimin e efekteve të reja që lidhen me kirurgjinë plastike deri në një njoftim të mëvonshëm”.

Megjithatë, CEO i Meta-s, Mark Zuckerberg, vendosi që këta filtra të mbeten në dispozicion.

Nga ana tjetër, shumë mendojnë se ky hap është një shenjë e risive që do të shfaqen në platformat në muajt që vijnë, ndërkohë që besohet se lëvizja është e lidhur me standardet e pashëndetshme që promovojnë filtrat e bukurisë.

Artikuj të sugjeruar: