Nëse je një nga ata persona që mendon se mënyra si e përfundon vitin mund të ndikojë në ecurinë e vitit që vjen, atëherë ky artikull është për ty! Thuhet se ngjyra e të brendshmeve që zgjedh për natën e ndërrimit të viteve mund të jetë profetike. Çdo ngjyrë lidhet me një cilësi apo energji që dëshiron të të shoqërojë gjatë vitit të ardhshëm.

Por çfarë e bën këtë supersticion kaq të veçantë? Sipas psikologes së modës, Anabel Maldonado, kjo teori thotë se mënyra si vishemi ndikon te proceset tona psikologjike, mendimet dhe ndjesitë. Studiuesit Hajo Adam dhe Adam Galinsky zbuluan se njerëzit që mbanin një mantel të bardhë doktori ishin më të përqendruar gjatë testeve sesa ata që vishnin një mantel të bardhë piktori. Kjo ndodhte për shkak të perceptimeve të tyre të mëparshme për aftësitë e përqendrimit të një doktori.

Ja çfarë simbolizon çdo ngjyrë dhe përse mund të zgjedhësh të brendshme në një ngjyrë të caktuar këtë Vit të Ri:

E kuqe – Dashuri dhe pasion

Nëse dëshiron më shumë emocion dhe pasion në 2025-ën, të brendshmet e kuqe janë zgjedhja perfekte. Ato simbolizojnë energjinë e dashurisë dhe tërheqjes.

E verdhë – Fat, mirëqenie dhe sukses

E verdha lidhet me optimizmin dhe energjinë pozitive. Nëse ke plane të mëdha për karrierën apo dëshiron një vit të mbushur me arritje, kjo ngjyrë është për ty.

E bardhë – Paqe dhe harmoni

Ngjyra e bardhë simbolizon qetësinë dhe lumturinë. Zgjidhe atë nëse ndihesh e stresuar dhe ke nevojë për më shumë balancë në jetën tënde.

Rozë – Argëtim dhe miqësi

Nëse 2024-ta ishte një vit i tensionuar me të tjerët, të brendshmet rozë sjellin energji pozitive për marrëdhënie më të ngrohta dhe plot humor.

Jeshile – Liri dhe natyrë

Ngjyra jeshile është simbol i rilindjes dhe mirëqenies. Nëse kërkon të ndihesh më e lidhur me natyrën dhe më e lirë nga teknologjia, zgjidhe këtë ngjyrë.

Blu – Shëndet dhe qetësi

Bluja është ngjyra e qetësisë dhe stabilitetit. Nëse dëshiron një vit me më pak stres dhe më shumë përkujdesje për veten, ky është opsioni më i mirë.

E zezë – Fuqi dhe kontroll

E zeza është ngjyra e vendosmërisë dhe fuqisë. Nëse ke plane për të marrë kontrollin e fatit tënd në 2025-ën, zgjidh të brendshmet e zeza për këtë natë.

Zgjedhja e ngjyrës së të brendshmeve për Vitin e Ri mund të jetë një mënyrë e thjeshtë, por argëtuese, për të përcaktuar qëllimet dhe energjinë që dëshiron për vitin që vjen. Pra, cila ngjyrë është për ty këtë herë?

Artikuj të sugjeruar: