TikTok nuk humb asnjë trend të bukurisë dhe flokët me "tinsel" - ose siç quhen ndryshe “flokët e zanave” - janë dëshmi e kësaj. Deri tani, videot që përshkruajnë këtë trend kanë mbledhur mbi 85 miliardë shikime në TikTok.
Yjet nuk kanë ngurruar të eksperimentojnë me këtë aksesor shkëlqyes. Katy Perry i përdori fijet me ngjyra të ndezura dhe të ndritshme në një postim në Instagram për të promovuar qëndrimin e saj në Las Vegas më 29 nëntor. Ndërkohë, Kacey Musgraves shkëlqeu me një bisht të lartë plot tinsel gjatë një performance në New Orleans, në tetor të vitit 2019. Por nëse mendoni se është diçka e re, kujtoni flokët e dekoruara me tinsel të Beyoncé në Grammy-t e vitit 2010. Edhe pse këto momente janë të viteve më parë, është e qartë: flokët me "tinsel" vazhdojnë të marrin gjithnjë e më shumë vëmendje.
Kelsea Jensen, parukiere dhe themeluese e “Goddess Glitter”, e përshkruan këtë trend si “fije të shndritshme që lidhen me flokët”. Ato vijnë në një gamë të gjerë ngjyrash të ndezura.
View this post on Instagram
Por çfarë i bën këto fije kaq të kërkuara tani? Parukierja nga San Diego, Meg West, e lidh këtë rikthim me nostalgjinë për vitet ‘90 dhe fillimin e viteve 2000. Sipas saj, flokët me "tinsel" janë një mënyrë e këndshme për të shtuar gjallëri në ngjyrën e flokëve pa përdorur kimikate.
Vendosja e "tinsel" në flokë mund të bëhet si në sallon, ashtu edhe në kushte shtëpie - varet nga ju. Ashley Armour, parukiere New Orleans, përdor dy metoda për vendosjen e tinsel-it.
@tudkun Transform your hair in 4 easy steps ? #hairtinsel #tudkunwoman #hairtutorial ?
“Metoda e parë është kur lidh një fije të vetme tinsel me një fije të vetme floku. Tjetra është me një mikro-rreth, ku 20 fije tinsel bashkohen në një rreth të vetëm,” shpjegon ajo për Allure. “Të dyja metodat janë shumë të lehta për t’u mirëmbajtur. Zakonisht u them klientëve që, sidomos fijet individuale, do të bien së bashku me flokun natyral - disa mund të bien gjatë javës së parë, ndërsa të tjera mund të qëndrojnë deri në gjashtë muaj ose më shumë.”
Nëse dëshironi një ndryshim të lehtë, argëtues dhe pa shumë angazhim, flokët me tinsel mund të jenë pikërisht ajo që kërkoni për këto festa. Kush nuk do pak shkëlqim në jetën (dhe flokët) e tij?
Artikuj të sugjeruar: