Një moment tensioni ka ndodhur së fundmi në shtëpinë e “Big Brother VIP,” duke ngritur pikëpyetje mbi tendencën për të krijuar skena dramatike që shpesh përfundojnë në qendër të vëmendjes në Prime.
Ngjarja filloi kur dy banorë, Xumi dhe Zebervoki, u përfshinë në një debat të ashpër për shkak të një situate në tualet. Të dy dukeshin të vendosur për të hyrë njëkohësisht në atë hapësirë, duke nxitur tension mes banorëve të tjerë, të cilët ndërhynë për të parandaluar një situatë më serioze.
Në mes të debatit, Xumi tha:
“Kush ma ndalon lirinë e fjalës, të vijë me mua në tualet. Hajde. Nëse ka ndonjëri ndonjë gjë. Bëheni një tufë me skutha.”
Nga ana tjetër, Zebervoki iu përgjigj:
“Për çfarë është puna e tualetit? Për punë nominimi? Hajde ikim bashkë, çohu!”
Përplasja vazhdoi dhe ata u drejtuan për në tualet, derisa pjesa tjetër e banorëve ndërhyri për të shmangur një përshkallëzim të mëtejshëm. Ata janë bazuar tek një moment që solli reagime të forta në "BBVA2" që ishte hyrja në tualet e Luizit me Armandon dhe Kristin, si dhe tentativa e Sarës për të hyrë në tualet me Franceskën. Banorët kanë spekuluar se dyshja që futet në tualet mund të përfundojë në televotim, duke e kthyer këtë situatë në një strategji (të lodhshme) për tërhequr vëmendjen e publikut.
Pas incidentit, Xumi i sqaroi banorët se situata ishte një lloj “strategjie” për të krijuar një skenë dramatike për t'u transmetuar gjatë prime:
“Do inskenojmë një skemë, do bëjmë një dramë, do bëjmë një komedi. Si ato që bëj unë,” tha ai, duke shtuar se gjithçka ishte menduar për audiencën.
Ky shpjegim, megjithatë, nuk e qetësoi Eglin, e cila shprehu shqetësimin duke sqaruar se situatat dramatike dhe të papritura i shkaktonin frikë dhe takikardi. Situata të tilla ngrenë pikëpyetje mbi origjinalitetin e dinamikave në shtëpi. Duke u përpjekur të imitojnë dinamikat e edicioneve të kaluara banorët po bëhen të mërzitshëm. Dhe më e rëndësishmja, publikut duket se po i shuhet interesi për “hyrjet në tualet” dhe skena të “tejzmadhuara”, që po bëhen klishe dhe të mërzitshme.
Ja disa nga komentet: