Dramat e “Big Brother VIP” kanë nisur ende pa nisur vetë programi, por këtë herë protagonistë janë ish-banorët.
Bëhet fjalë për Roza Latin dhe Heidi Baçin dhe gjithçka nisi sapo u bë publike se kjo e fundit do të moderojë emisionin e shumë lakuar “Big Brother Fun Club”. Konkurrenca për të marrë drejtimin e këtij programi duket se ka krijuar pakënaqësi dhe debate në prapaskenë, ku protagonistë është Roza Lati.
Burime për “Panorama”, bëjnë me dije se Roza ishte programuar për të moderuar këtë format e madje kishtë bërë edhe një audicion. Ndërsa priste që t’i besohej ky emision, gjërat kanë marrë një kthesë të papritur dhe në “skenë” ka dalë emri i Heidit. Ndonëse kjo e fundit u largua nga emisioni “Goca dhe Gra”, duke shprehur se po lë punën në Shqipëri për jetën në Itali, duket se diçka i ka ndryshuar mendjen.
Sapo emri i saj u bë publik në faqen zyrtare të “Big Brother VIP” si moderatore e “Fun Club”, erdhi dhe një reagim nga Roza Lati. Përmes një “Instastory”, ajo shkruajti:
“S’di ç’të them… Di veç të them që më është shpif televizioni”.
Dhe ishte pikërisht ky reagim që u interpretua si një “thumb” për Heidin.
Por drama është shtrirë edhe përtej “Instagramit”, pasi siç “Panorama” mëson, Roza ka kërkuar një shpjegim nga produksioni, madje ka debatuar me një pjesë te stafit.
Nga ana tjetër, Heidi nuk ka reaguar aspak lidhur me këto zhvillime.
Roza dhe Heidi, dy ish-konkurrente të “BBVA” u miqësuan në këtë format, por marrëdhënia e tyre shpesh herë kishte krisje dhe mesa duket shoqëria mes tyre ka përfunduar plotësisht pas kësaj “drame”.
Artikuj të sugjeruar:
