Me lajmin që Heidi Baci do të jetë moderatorja e re e “BBVA4 Fan Club”, ka ardhur edhe urimi i veçantë nga Ledion Liço. Moderatori ndau një story në Instagram, ku përgëzoi Heidin në mënyrën e tij karakteristike, duke shkruar:
“@heidibaci në gojë të ujkut thoni ju andej!”
Ndërsa një pjesë e mirë e ndjekësve e pritën lajmin me entuziazëm dhe urime për Heidin, diskutimet nuk munguan.
Në mesin e reagimeve të shumta, spikati edhe një story i Roza Latit ditën e djeshme, e cila shkroi në Instagram:
“S’di ç’të them. Di vetëm të them që më është shpifur televizioni.”
Edhe pse Roza nuk përmendi emra, shumë ndjekës e lidhën deklaratën e saj me lajmin për moderimin e Heidit, duke ndezur më tej spekulimet dhe komentet për këtë situatë.
Nga një sondazh në Anabel 48% e ndjekësve menduan se postimi ishte një thumbim për Heidin, ndërsa 16% e konsideruan një rastësi. 23% u shprehën të painteresuar, duke theksuar se kanë “halle të tjera”, ndërsa vetëm 12% menduan se s’ka lidhje fare me Heidin.
Pavarësisht polemikave dhe ‘thumbave’ të mundshëm, mbetet e qartë që Heidi Baci është në qendër të vëmendjes dhe tashmë ka një sfidë të re përpara. Si një nga ish-banoret më të komentuara të “Big Brother VIP”, ajo duket se ka fituar besimin për të drejtuar “Fan Club”-in këtë sezon. Mbetet për t’u parë nëse do të arrijë të përmbushë pritshmëritë e publikut apo nëse do të përballet me sfida të reja.
