Doechii nuk është thjesht një repere apo këngëtare: "Unë jam gjithçka!" gjëmon ajo në këngën e saj "Boom Bap". Në të vërtetë, melodia përmbledh dhe përgënjeshtron kritikat me të cilat ajo është përballur gjatë gjithë karrierës së saj, se ajo duhet të futet në ca korniza të caktuara për të gjetur suksesin.
“Në përgjithësi, muzika ime ka të bëjë me zhgënjimin e 'Pse nuk mund të më lejosh të jem unë?'”, thotë artistja 26-vjeçare, e lindur me emrin Jaylah Hickmon.
“Pse nuk mund të respektohem si vetvetja, si individ, si gjithçka? Unë mund të bëj rap, trap, rock, pop, dhe unë jam ende e shkëlqyer dhe jam ende unë dhe jam ende e vlefshme. Unë jam vetëm duke luftuar që njerëzit të më kuptojnë në një kohë kur ndihesha sikur nuk kuptonin.”
Kjo duhet të shpjegojë pse ajo është dominuese e vitit në ‘Hitmakers Hip-Hop’ të Variety. Reperja e parë femër e nënshkruar me ‘Top Dawg Entertainment’, Doechii ka tërhequr fansat e apasionuar nga teatraliteti dhe veçantia e stilit të saj.
Projekti i saj i parë i plotë, mixtape-i "Alligator Bites Never Heal", fitoi tre nominime për Grammy duke përfshirë ‘Best New Artist’ dhe ‘Albumin më të mirë rap’, hera e parë që një artiste femër është vlerësuar në kategori me një format mixtape.
Gjatë vitit të kaluar, ajo kryesoi një turne të shitur dhe dha një performancë të shkëlqyer me Tyler, The Creator në Camp Flog Gnaw.
Ngritja e papritur e Doechii-t është lulëzimi i një karriere që po ecën drejt një pike lakimi. Ajo u rrit në Tampa, Florida, duke bërë shfaqje për nënën e saj në dhomën e ndenjes dhe duke krijuar filma të shkurtër. Shkrimi i këngëve të saj u bë prioritet dhe në shtator 2020 ajo u bë e njohur në TikTok pasi kënga e saj "Yucky Blucky Fruitcake" u bë virale.
"Alligator Bites Never Heal" ishte më shumë se thjesht një përparim në karrierë - ai gjithashtu shënoi një pikë kthese në qasjen e saj krijuese. "U zgjova një ditë dhe i thashë label-it tim, 'do të bëj një mixtape'," kujton ajo, duke vënë në dukje presionet që vijnë me shpalljen zyrtarisht të një projekti si një "album debutues".
“Kam qenë në gjendje ta lindja këtë nga krijimtaria e pastër dhe mendoj se dua ta mbaj këtë me të gjitha projektet e mia dhe ta kem këtë mentalitet për të ecur përpara.”
Këto projekte përfshijnë albumin e saj zyrtar debutues në studio, për të cilin ajo premton se do të vijë në 2025 dhe do të përfshijë më shumë instrumente. "Gjithçka për të cilën mund të mendoj është ky album," thotë ajo, "kështu që mezi pres të bëj më shumë hite, të bëj më shumë muzikë dhe të arrij më shumë nga qëllimet e mia. Kjo jam unë.”
Përsa i përket ngjitëseve me efekt tërheqës që artistja mban anash syve të saj, Doechii është përgjigjur thjesht se janë një element vizual që ngjajnë bukur tek ajo dhe pa dyshim kanë tërhequr vëmendjen e të gjithëve, gjë e cila dhe mund të ketë qenë në qëllimet e artistes.
Për ju që nuk e njihni, mund të ndiqni koncertin e mëposhtëm në Tiny Desk Concert për të zbuluar pak nga magjia e kësaj artisteje të re dhe të talentuar:
