Në episodin e fundit të UËTËFËË!! show në Andale Media, në You Tube, u fol për faktin se si Dafina Zeqiri nuk flet më me asnjë vajzë me të cilën ka bashkëpunuar më parë.

Kjo, për një pjesë të panelit, shikohet qartë si problem i Dafinës, madje Fatosi tha se ajo ka ‘kompleksin e divës’, që do të thotë se Dafina nuk do të shikojë njeri tjetër sipër vetes, aq më pak një vajzë.

Le të shikojmë disa nga vajzat me të cilat Dafina ka bashkëpunuar dhe sot nuk flet më, me dramat përkatëse të cilat janë bërë publike:

1. Tuna

U përfol se krisja midis vajzave ndodhi për një vijë melodike të kopjuar. Dafina, që nuk heziton të adresojë konfliktet e saj publikisht, quajti Tunën “dyfytyrëshe” dhe vajzat nuk flasin më sot me njëra-tjetrën.

2. Tayna

Zërat nisën që kur dyshja u bënë ‘unfollow’ në Instagram pas një bashkëpunimi të suksesshëm. Ndonëse nuk folën publikisht për arsyen e prishjes së marrdhënies së tyre, vajzat shpallën të hapur luftën me këngë (si Xhensila me Besin) duke thumbuar tërthoraz njëra-tjetrën.

3. Melinda Ademi

Në një postim të Dafinës, ku ajo shkruante për feminizmin dhe të drejtat e grave, bujë bëri komenti i Melindës që tha: “Ti vetëm feministe s’je”, shoqëruar me një emoji kllouni.

Ndër vajzat e tjera të cilat kanë pasur bashkëpunime muzikore me Dafinën dhe kjo e fundit mund të jetë bërë ndihmesa që vajzat të rriten në industri, mund të përmendet artistja Janina dhe Kida, me të cilën nuk është bërë publike ndonjë polemikë, ama fansat filluan të aludonin për një prishje miqësie kur Dafina nuk ftoi Kidën në dasmën e saj.

Jo pak veta mendojnë se është Dafina problemi i prishjes së gjithë miqësive apo marrëdhënieve me vajzat me të cilat ka patur bashkëpunime, por kjo nuk është diçka që kemi provat për ta vërtetuar plotësisht. Ndonëse s'kemi kompetencat të themi nëse Dafina është Mbretëresha e Muzikës apo jo, besojmë se mund t'ia japim unanimisht çmimin e Mbretëreshës së Dramave. ;)

Episodin e plotë me komentimet përkatëse, e gjeni tek videoja e mëposhtme: