Ndoshta nuk ke dëgjuar kurrë për “gleeking” (e përshtatur “stërkalë”) - një funksion i çuditshëm dhe i pakëndshëm trupor që me sa duket çdokush mund ta bëjë. 

“Gleeking” është aftësia për të spërkatur pështymën e gojës nga gjëndrat që qëndrojnë poshtë gjuhës, në një lëvizje që i përngjan helmit që spërkat një kobër. 

Mjekët vlerësojnë se rreth një e treta (35 përqind) e njerëzve mund të “stërkalin” në këtë mënyrë aksidentalisht.

Në fakt, për tmerrin tonë, ky funksion trupor mund të ndodhë ndërsa hapim gojën nga përgjumja, duke çuar në një spërkatje të turpshme të njerëzve dhe objekteve që kemi pranë.

Megjithatë, ekspertët shtojnë se çdokush mund të mësojë se si ta bëjë këtë, nëse për ndonjë arsye dëshiron; dhe sado qesharake mund të tingëllojë, TikTok-u është fiksuar me provat për të realizuar këtë veprim që kur ndodh natyralisht na bën me aq turp!

Nëse je dhe ti një nga këta persona, ja si të “stërkalësh” qëllimisht, krejtësiht pa asnjë arsye të vlefshme për jetën tënde:

1.     Hap gojën disa herë si përpara gjumit për të stimuluar pështymën.

2.     Ha një karamele të thartë për të stimuluar edhe më shumë gjëndrat e pështymës.

3.     Pi ujë për të hidratuar gojën.

4.     Mblidhi buzët bashkë dhe merr frymë thellë nga goja.

5.     Shtriqe gjuhën mirë sipër qiellzës dhe mbaje ashtu.

6.     Me gojën hapur, shty përpara nofullën tënde të poshtme.

Urime! Tani mund të stërkalësh këdo me qëllim nëse më parë të ndodhte pa aprovimin tënd.

“Nuk mund ta bëj me komandë, ndodh vetëm kur nuk dua”, ka shkruar një person në TikTok.  “Seriozisht, spërdrodha gjuhën duke u përpjekur ta bëj këtë?!”, ka shkruar një tjetër. Një përdorues madje detajoi se vëllai i saj e përdorte këtë aftësi për ta torturuar. “Vëllai im e bën këtë gjithmonë kur jemi në situata serioze”, tha ajo.

Kënd vështrimi: Je fiksuar me "stërkaljen"

Tani që je dhe ti në dijeni të kësaj aftësie, të lejojmë të bësh ç’të duash me këtë informacion të shkëputur prej ciklit “Informacione që s’na duhen, po pse të mos i dimë?”. 

Artikuj të sugjeruar: