Shumë të famshëm kanë shprehur pendesë për rimodelimin e të pasmeve të tyre, që quhet ndryshe ngritje braziliane e të pasmeve (BBL) dhe këngëtarja amerikane SZA është ndër të fundit që e ka bërë këtë rrëfim.
Gjatë një interviste për British Vogue, artistja e ‘Snooze’ shprehu keqardhjen e saj për vendimin që mori dy vite më parë.
“Jam shumë i inatosur që e bëra”, tha ajo pa drojë.
Ajo shprehu se e kreu operacionin në vitin 2022, kohë në të cilën më pas theu dhe këmbën nga një aksident.
“Fitova gjithë atë peshë ngaqë nuk lëvizja fare duke u rikuperuar prej këmbës dhe nga ana tjetër duke u përpjekur të ruaj yndyrën për ‘BBL’-in. Isha kaq budallaqe.”
Sza shtoi se tani ‘BBL’-i ishte i panevojshëm për të sepse ajo ka gjëra më të rëndësishme tek të cilat duhet të fokusohet.
“Më duhet të punoj me shëndetin tim mendor,” i tha ajo revistës, duke shtuar, “për të mos thënë që nuk mund të bësh gjithë gjëra njëkohësisht.”
Këngëtarja ama nuk i jep një ‘jo’ të prerë procedurave kozmetike të ardhshme. “Por unë e dua prapanicën time gjithsesi. Mos më keqkuptoni. Ajo duket bukur," tha ajo.
Yje të tjerë që janë shprehur hapur për keqardhjen e tyre për procedurat kozmetike përfshijnë Cardi B, Angela White, e njohur më parë si Blac Chyna. Cardi B dhe Angela kanë ndërmarrë hapa për të kthyer pamjen natyrale të të pasmeve e tyre.
