Gjatë një diskutimi në emisionin “Uëtëfë Show” në Andale, Kostjani, Fatosi, Xhesiana dhe Artemisa ngritën një temë që nuk mund të anashkalohet: “riciklimi” i banorëve të “Big Brother”. Diskutimi u përqendrua tek premtimet e mëdha për vende pune që u bëhen ish-konkurrentëve, por që shpeshherë mbeten vetëm në letër.
Një nga çështjet më interesante që u përmend ishte një aludim për një konflikt mes vëllezërve Veshaj dhe “Top Channel”, që mund të ketë nisur nga një premtim i pambajtur për drejtimin e emisionit “Fiks Fare”. Deri më tani, nuk ka pasur asnjë deklaratë zyrtare nga asnjëra palë, por nuk është hera e parë që përfliten “krisje” në këtë marrëdhënie. Spekulimet shkojnë deri tek roli i Heidit në “Top Channel” si një arsye për prishjen e raporteve të saj me Romeon, megjithëse këto mbeten në kufijtë e thashethemeve.
Parashikimet për edicionin e ri të Big Brother
Teksa emrat e rinj për “Big Brother Vip Albania” këtë vit filluan të qarkullojnë, paneli nuk e kurseu ironinë. Komentet e tyre ishin plot batuta dhe kritika për mënyrën se si disa personazhe të showbiz-it shfaqen vazhdimisht në projekte të ndryshme, duke dhënë pak ose aspak risi.
Kostjani, me humorin e tij tha:
“Visjani veç një rol bën, ja 2 me mik. Po ça dua unë ta shoh Visjanin o vëlla. E kam parë nga ‘Apartamenti’, te ‘Klanifornia’, te ‘Portokallia’, te reklama e ‘Digitalb’.”
Nga ana tjetër, Artemisa shtoi:
“Më vip jam unë që shkoj nga podcasti në podcast sesa Cubi.”
Me këto komente, mbetet për t’u parë se kush do të jenë konkurrentët e rinj dhe më e rëndësishmja, sa nga premtimet e mëdha do të mbahen pas përfundimit të spektaklit. Tani, pyetja që mbetet është: Kush do të jenë të papunët e radhës?
Për më shumë informacion, ndiqni emisionin:
