“Fundi i serisë së parë”, kështu mbyllet “Njerëz dhe Fate 2”, i cili do të ketë (të paktën) edhe një seri tjetër.
Lajmi konfirmohet nga producenti dhe protagonisti Arben Derhemi. Në një intervistë për “Aldo Morning Show”, Derhemi theksoi se vazhdimi do të vijë shumë shpejt.
“Jemi gati për të vijuar. Kemi filluar punën për organizimin e treshit, ndërkohë që Ruzhdiu po shkruan akoma, shkruan intensivisht sepse është në gjendje shumë të mirë pune”, tha ai.
Por, “Njerëz dhe Fate” mund ta shohim edhe në Netflix, sipas Derhemit.
Pjesë nga biseda:
Aldo: Të të bëj një pyetje? Ore çfarë problemi ka që nuk e çoni në Netflix? Mos më thuaj që s’të ka shkuar mendja.
Arben Derhemi: Aty jemi, drejt asaj ideje jemi.
Aldo: Po shihja ca të Netflix-it, të dubluara
anglisht s’diskutohet, por ishin prodhime libaneze, thashë nga dolën këta? Pse jo?
Arben Derhemi: Ka edhe me titrim, kështu që mund ta bëjmë edhe me titrim, nuk është ky problemi.
“Njerëz dhe Fate 2” u shfaq në kinema më 1 nëntor, si vazhdim i serive të para të këtij prodhimi kinematografik që vite më parë ishte më i ndjekuri në Shqipëri.
Artikuj të sugjeruar:
