Festat ekskluzive të Diddy-t për të pasurit dhe të famshmit kanë qenë gjithmonë të mbuluara nga misteri, por TMZ ka zbuluar arsyen pse. Diddy kërkon nga të ftuarit të firmosin një marrëveshje standarde moszbulimi (NDA), e cila ndalon ndarjen e informacionit të lidhur me Diddy-n, familjen e tij, partnerët aktualë apo të mëparshëm, miqtë ose bashkëpunëtorët e tij.
Dokumenti ndalon të ftuarit të fotografojnë, filmojnë ose regjistrojnë dhe po ashtu të mos lejojnë askënd tjetër të bëjë këtë - Diddy-n apo njerëzit që e rrethojnë pa lejen e tij me shkrim. Madje, përmenden posaçërisht rrjetet sociale ku postimi i fotove pa miratimin e Diddy-t është i ndaluar.
Të ftuarit nuk lejohen të japin intervista, të shkruajnë libra apo të përhapin informacione për Diddy-n ose për festat, pa leje paraprake me shkrim.
Kjo marrëveshje, e cila zgjat gjatë gjithë jetës së artistit dhe për 20 vite pas vdekjes së tij (ose për një total prej 70 viteve – cilado qoftë më e gjatë), është padyshim një nga më afatgjatat e këtij lloji.
Siç e dini, Diddy u arrestua në shtator, i akuzuar për trafikim seksual me forcë, mashtrim apo shantazh dhe transport për qëllime prostitucioni.
Artikuj të sugjeruar:
