Të gjitha ne, të paktën njëherë në jetë, jemi ndjerë të zhgënjyera apo në rastin më të keq të mashtruara, për faj të një burri.

Ndonjëherë zgjedhim të injorojmë “red flags” e dikujt, teksa jo pak herë ato janë mjaft të vështira për t’u kuptuar.

Mos u mërzisni! Mësoni disa nga shenjat më të zakonshme për të kuptuar se një burrë po iu mashtron:

Bie ndesh me veten: Nuk ka nevojë të kesh një instinkt detektivi, në këtë rast, për të kuptuar se diçka nuk shkon.

Përdor fjalë dhe fraza me shumë kuptime: I lë të gjitha mundësitë e hapura duke përdorur fjali të tipit: "Do të shohim në vazhdim" ose "Unë jam i hapur ndaj një marrëdhënieje të re”. Kështu, ai nuk ju refuzon, por as nuk angazhohet, duke bërë ju mbajtur “tërhiq e mos e këput”.

Ai thotë një gjë dhe bën një tjetër: Një tjetër shenjë mjaft e dukshme (por që shpesh zgjedhim ta shpërfillim). Ai, për shembull, ua thotë vazhdimisht se do të jetë me ju dhe jeni ajo që po kërkonte, por… sjellja apo fotot në rrjetet e tij sociale thonë të kundërtën.

Nuk bën plane me ju: A keni diskutuar për të shkuar në një udhëtim së bashku, por çdo fundjavë vjen me një justifikim të ndryshëm për ta shtyrë atë? A po e shtyni takimin tuaj të ardhshëm sa më shumë që të jetë e mundur për shkak të ngarkesës së tij në punë? Ndaloni dhe reflektoni, mos vallë po iu mashtron pa kuptuar?

Thotë që pëlqen të njëjtat gjëra si ju, por nuk iu rezulton kështu: Ai, për shembull, mund t'ju thotë se i pëlqen e njëjta muzikë si ju, por nëse në koncertin e parë që shkoni së bashku, ai fillon të ankohet se dëshiron të largohet, mbase keni rënë pre e një manipulimi. Ai ju mashtron se pëlqen të njëjtat gjëra vetëm për të fituar një takim me ju.

Ai ju pyet vazhdimisht nëse ndiheni ende të njëjtën mënyrë për diçka për të cilën keni rënë dakord fillimisht: Nëse, për shembull, keni pranuar të shkoni me pushime dhe ai fillon t'ju pyesë nëse keni ndryshuar mendje dhe nuk doni të shpenzoni, mbase ka ndryshuar mendje. Fjalët i merr era… dhe vera juaj me të mbetet një ëndërr në sirtar.

Ai përdor dikë tjetër për t'ju bindur për diçka: Ai, për shembull, mund të ketë rënë dakord për diçka me ju dhe më pas të ketë ndryshuar mendje, por, në vend që ta pranojë hapur, përpiqet t’iu ndryshojë edhe juve mendim përmes mikut tuaj të përbashkët.

Ai këmbëngul se “e di se çfarë është më e mira për ju”: Ai në fakt po ju “hipnotizon” dhe po tregohet manipulues për të arritur një qëllim personal.

Artikuj të sugjeruar: